на Русском
Տեսահոլովակի պրեմիերա. Թեյլոր Սվիֆթ, Post Mal... 
ՃՏՊ՝ Էջմիածին-Երևան ավտոճանապարհին
Արևմուտքն էլ արդեն Փաշինյանին այլընտրանք է փնտրում. Արդյոք Ռուսաստանի և ԱՄՆ-ի՝ որպես Հայաստանի ղեկավարի թեկնածուի շուրջ տեսակետները կհամընկնեն. «Իրատես»
«Իրատես» թերթը գրում է.
«Հայաստանի ղեկավարի ընտրության հարցում միշտ կարևոր է եղել Ռուսաստանի դիրքորոշումը։ Նիկոլ Փաշինյանի դեպքում դա չեղավ, ավելին, փորձագիտական շրջանակներից հակառակ տեսակետն է մշտապես հնչում։ Նա ընդունված չէ Հյուսիսում։ «Իրատեսը» ավելի վաղ, իր աղբյուրներին հղում կատարելով, գրել էր, որ ռուսական շրջանակները շոշափում են Հայաստանի քաղաքական դաշտը և արդեն գտել են որոշ գործիչների, որոնց վրա «խաղադրույք» են կատարել։
Արևմուտքի հետ առավել ասոցացվող Նիկոլ Փաշինյանը հենց կառավարման առաջին իսկ ամիսներից սկսած հանդիպեց նաև ԵՄ-ի, ու ԱՄՆ-ի մերժողականությանը։ Իր մեծ հիասթափության մասին փաստեց նույնիսկ ինքը` Նիկոլ Փաշինյանը, մտաբերենք, թե միայն այն, որ ԵՄ-ի «աջակցությունն» ինչպես հեգնեց Փաշինյանը՝ ծեր Եվրոպայի հայտնի օդանավակայանում Հայաստանի օլիգարխներից որևէ մեկին թափ տալու եւ «դժբախտի» գրպաններում «ռեկետ» իրականացնելու իր ունակության մասին ակամա խոստովանությամբ։
Մեր աղբյուրի պնդմամբ, Արևմուտքն էլ արդեն Փաշինյանին այլընտրանք է փնտրում։ Այդ մասին նույնիսկ նրանց դիվանագետներն են ակնարկել։ Իսկ որ Հայաստանում ԱՄՆ-ի «ամենատես աչքերը» շատ բան են փոխանցել համապատասխան կառույցներին, կասկածից վեր է։
Եթե երկու բևեռների շահերը համընկան ու Նիկոլ Փաշինյանին փոխարինողի դերում նույն անձին տեսան... բավական ծանր օրեր են սպասում Փաշինյանին։ ՈՒ այստեղ պետք չէ ասել՝ իսկ Հայաստանի ժողովու՞րդը։ Հիշենք, թե Նիկոլ Փաշինյանին ինչ ասաց Սերժ Սարգսյանը. «Ժողովրդի անունից 7-8 տոկոս տարած խմբակցությունը իրավունք չունի խոսելու»։ Պարզվեց՝ ուներ»:
Առավել մանրամասն՝ թերթի այսօրվա համարում:
