Եգիպտոսում երեխան արագ պատրաստվող լապշա է կերել եւ մահացել
Եգիպտոսի հյուսիսում 9-ամյա երեխան մահացել է արագ պատրաստվող մեկ չափաբաժին լապշա գործածելուց հետո, հայտնում է Akhbar el-Youm-ը:
Դեպքը տեղի է ունեցել երկրի հյուսիսում Գարբիա նահանգի Մախալյա Կուբրա քաղաքում:
Տղայի ծնողները դեպքի վայր ժամանած ոստիկաններին հայտնել են, որ մահվանից առաջ նա կերել է արագ պատրաստվող մեկ չափաբաժին լապշա:
«Բժիշկների հաշվետվության համաձայն՝ մահը վրա է հասել արյան ճնշման բարձրանալու եւ սրտի նոպայի հետեւանքով»,- հայտնում է պորտալը:
Քրեական հետախուզության մասնագետները սկսել են տղայի մահվան հանգամանքների հետաքննություն: