на Русском
Հենրի Քավիլն առաջին անգամ հայր կդառնա
Ոստիկանությունը տեսանյութ է ներկայացրել Արթիկ... 
Հրայր Թովմասյանին վերագրվող գույքի իրական սեփականատերը ժամանել է ՀՀ՝ հարցաքննվելու. «Հրապարակ»
«Հրապարակ»-ի փոխանցմամբ՝ Ռուսաստանում բնակվող հայազգի գործարար Ռուբիկ Ղազարյանը, ով Հրայր Թովմասյանի կնոջ քրոջ ամուսինն է եւ ում պատկանում է հայտնի նոտարական գրասենյակը, արդեն Հայաստանում է։
Նա դեկտեմբերի 28-ին հարցազրույց էր տվել թերթին եւ ասել, որ պատրաստվում է գալ Հայաստան, պատասխանել նախաքննության մարմնի հարցերին եւ ներկայացնել, թե ինչ պայմաններում է 2009 թվականին ձեռք բերել այն գույքը, որը վերագրվում է Հրայր Թովմասյանին, եւ որի պատճառով վերջինիս պաշտոնի չարաշահման մեղադրանք է առաջադրվել։
Ղազարյանի փաստաբան Հայկ Քոչինյանը երեկ թերթի հետ զրույցում ասել է. «Հրապարակվել էր հաղորդագրություն, որում արծարծված փաստական հանգամանքներն իրականության հետ աղերս չունեին։ Դրա համար պարոն Ղազարյանը, վրդովված, հազարավոր կիլոմետրեր է կտրել, որպեսզի գա եւ ներկայացնի այդ պարզաբանումները, համապատասխան հիմքեր, տեղեկություններ, որ այդ վիճարկված գույքը, շահարկվող գույքն իրեն է պատկանում սեփականության իրավունքով, եւ Հրայր Թովմասյանը դրա հետ առնչություն չունի։
Այդ պատճառով էլ նախաձեռնությունը հենց Ռուբիկ Ղազարյանինն է։ Այնուհանդերձ, ես գտնում եմ, որ շահագրգիռ կողմը պետք է վարույթն իրականացնող մարմինը լինի՝ կապված այս գործի լրիվ, բազմակողմանի, օբյեկտիվ քննության հետ։ Պարոն Ղազարյանը պատրաստ է ներկայացնել այն բոլոր տեղեկությունները, որոնք իր ձեռքի տակ կան»:
Փաստաբանը հավելել է, որ մինչ այս պահը Ռուբիկ Ղազարյանը որեւէ կերպ ներգրավված չի եղել քրգործով»:
Առավել մանրամասն՝ թերթի այսօրվա համարում:
