Հայաստանում անչափահասներին չեն կանչի դատարան հարցաքննության համար. քննարկում
Անչափահասների հարցաքննությունը կանցկացվի տեսահսկողության ներքո, հոգեբանի մասնակցությամբ, եւ եթե ավելի վաղ անցկացված հարցաքննությունը բավարարի դատարանին ստացված տեղեկատվության առումով, ապա անչափահասը չի կանչվի դատարան կրկնակի հարցաքննության համար: Այս մասին հունվարի 13-ին ԱԺ պետաիրավական հարցերի մշտական հանձնաժողովի նիստում Քրեադատավարական օրենսգրքում փոփոխություններ եւ լրացումներ կատարելու մասին օրինագծի քննարկման ընթացքում հայտարարեց «Իմ քայլի» պատգամավոր Նիկոլայ Բաղդասարյանը:
Նրա խոսքով՝ դա արվում է երեխայի հոգեկանը պաշտպանելու համար, քանի որ երեխաները, նրա կարծիքով, որոշակի սթրեսի են ենթարկվում:
Երկարատեւ քննարկումներից հետո օրինագիծը ստացավ հանձնաժողովի դրական եզրակացությունը: