Զիդան․ Վալվերդեն արեց այն, ինչ պետք է աներ

Մադրիդի «Ռեալի» ֆրանսիացի գլխավոր մարզիչ Զինեդին Զիդանը մեկնաբանել է հաղթանակը Մադրիդի «Աթլետիկոյի» նկատմամբ (0:0, 11մ՝ 4:1) Իսպանիայի սուպերգավաթի խաղարկության եզրափակիչում։

«Ֆեդե Վալվերդեն արեց այն, ինչ պետք է աներ։ Կոպիտ խախտում էր, բայց այդպես էր անհրաժեշտ։ Նա ներողություն խնդրեց Մորատայից։

Ուրախ եմ, որ Վալվերդեն ճանաչվեց հանդիպման լավագույն խաղացող։ Նա մյուսների նման կատարեց գերազանց աշխատանք։

Մենք տեսանք հրաշալի եզրափակիչ։ «Աթլետիկոն» շատ լավ խաղաց։ Պետք է շնորհավորել մեր խաղացողներին, հատկապես, Կուրտուային։

Երբ ես էի խաղում, ամբողջովին տրվում էի խաղադաշտում։ Դա «Ռեալի» ԴՆԹ-ն է։ Դա այն է, ինչ ես ակնկալում եմ բոլորից՝ լիարժեք ինքնադրսեւորում խաղադաշտում։

Մենք մեծ աշխատանք կատարեցինք եւ ցուցաբերեցինք համբերություն։ Մենք որոշոկի դժվարություններով սկսեցինք մրցաշրջանը, բայց միշտ պետք է պահպանել հանգստություն»,- Զիդանի խոսքը մեջբերում է «Ռեալի» մամուլի ծառայությունը։

Հիշեցնենք, որ «Ռեալը» 11-րդ անգամ նվաճեց Իսպանիայի սուպերգավաթը։