Վրացի «օրենքով գող» Կախա Ռուստավսկին ցմահ կմնա Եվրոպայում

Վրացի քրեական հեղինակություն Կախա Ռուստավսկին (Կախաբեր Շուշանաշվիլի) Եվրոպայում կմնա մնացյալ ամբողջ կյանքի ընթացքում, հայտնում է «Պրայմ Կրայմը»:

Ֆրանսիայի Էկս ան Պրովանս քաղաքի դատարանը Կախա Ռուսատավսկուն ցմահ ազատազրկման է դատապարտել 2010 թվականին «օրենքով գող», «Լադո» մականունով Վլադիմիր Ջանաշիի սպանությունը պատվիրելու մեղադրանքով:

Ռուստավսկին դատավճռի կայացման պահին արդեն բանտում էր. իսպանական դատարանը 2016 թվականին նրան դատապարտել էր 20 տարի 11 ամիս ժամկետով բանտարկության, որը կրճատել էր մինչեւ 15 տարի 3 ամիս ժամկետի: 2018 թվականի հունիսին Ֆրանսիայի Նանսի քաղաքի դատարանը նրան եւս 10 տարվա բանտարկության էր դատապարտել բանտից կազմակերպված հանցավոր խմբավորում ղեկավարելու համար:

Ռուսավսկու հետ ամբաստանյալի աթոռին են ծագումով Վրաստանից եւս երեք մարդ, որոնք մեղադրվում են սպանության կազմակերպմանն օժանդակելու համար: Նրանցից երկուսը դատապարտվել են 6 եւ 7 տարվա բանտարկության, իսկ մեկը, որը մեղավոր է ճանաչվել կեղծված փաստաթղթեր ունենալու մեջ, դատապարտվել է պայմանական ժամկետի եւ դատարանի դահլիճում ազատ արձակվել:

Ռուստավսկին իր մեղքը չի ընդունում եւ հերքում է «օրենքով գողերին» պատկանելությունը: Ընդ որում՝ Կախա Ռուստավսկու ավագ եղբայրը՝ Լաշա Շուշանաշվիլին (Լաշա Ռուստավսկի) համարվում է Եվրոպայում ամբողջ վրացական մաֆիայի առաջնորդը: Լաշան 2018 թվականից հունական բանտում է: