на Русском
ՆԳՆ-ի դիմաց բերետավորներն ուժով բացեցին փողոց... 
Անկլավների հանձնումը կաթվածահար է անելու ՀՀ-ն... 
Ջանք չեմ խնայելու պաշտպանելու այն հեղափոխությունը, որը եղել է հանրության մեծագույն մասի սպասելիքը. Ստյոպա Սաֆարյան
Ինչպես Operativ լրատվականը քիչ առաջ նշել էր, այսօր՝ դեկտեմբերի 19-ին, կայացած կառավարության նիստից հետո լրագրողների հետ ճեպազրույց ունեցավ Ստյոպա Սաֆարյանը:
Նա շեշտադրեց, որ ջանք չի խնայելու պաշտպանելու այն հեղափոխությունը, որը եղել է հանրության մեծագույն մասի սպասելիքը, այն հեղափոխության, որի տոնակատարությունները հենց այս հրապարակում էին տեղի ունենում՝ ի դեմս նախկին իշխանությանը ճանապարհելու:
Հանրային խորհրդի նորանշանակ նախագահ Սաֆարյանը՝ միաժամանակ հորդորեց հեղափոխության նկատմամբ իր դիրքավորումը չհամարել քաղաքականացվածություն:
«Հեղափոխությունն ինձ համար ջրբաժան է ոչ թե մարդկանց, այլ իրականությունների և ժամանակաշրջանների միջև. Հեղափոխությունն ինքը ջրբաժան էր Սահմանադրական կարգի տապալման և Սահամանդրական կարգի վերակագնման միջև»,- նկատեց նա:
Լրագրողի այն հարցին, թե արդյո՞ք որպես ՀԽ ղեկավար պատրաստ է համագործակցել արտախորհրդարանական և ոչ հեղափոխական ուժերի հետ՝ Ս. Սաֆարյանն ընդգծեց.
«Ես բազմակարծության հետ խնդիր չունեմ, ոչ մեկի հետ որևէ անձնական խնդիր չունեմ, և եթե նրանք ցանկանություն ունեն աշխատելու Հանրային խորհրդի հետ, եթե նրանք նույնպես Հանրային խորհուրդը դիտարկում են որպես կառավարության հետ կապող օղակ, ապա ես պատրաստ եմ կատարել այդ գործառույթը»:
Ի պատասխան լրագրողների մյուս դիտարկմանը, թե իր այս նշանակումն ինչպես Վազգեն Մանուկյանի դեպքում, այս դեպքում ևս կարող է ընկալվել որպես քաղաքական առևտուր՝ Ս. Սաֆարյանը նշեց, որ իր բազմամյա քաղաքական գործունեության արդյունքում բազմիցս նախկին իշխանությունների կողմից տարբեր պաշտոններ զբաղեցնելու առաջարկներ է ստացել, բայց չի ընդունել, որովհետև պայման է դրվել անամակցել Հանրապետական կուսակցությանը, իսկ այժմ նման պայման չկա:
Անդրադառնալով Հանրային խորհրդի նախկին նախագահի և իր միջև անհամաձայնություններին՝ Սաֆարյանը փաստեց. «Առաջին իսկ օրից որևէ մեկի հեռացմամբ շահագրգռված չեմ եղել, վատ եք հետևել հանրային խորհրդի գործունեությանը, իմ ցանկությունն է եղել հստակեցնել, թե մենք ինչով ենք զբաղվում այդ կառույցում: Ինձ համար անհասկանալի է եղել, որ որպես քաղաքագետ նշանակված լինելով այդ մարմնում, ականատես եմ եղել այդ մարմինը քաղաքական խաղերում օգտագործելու անթաքույց նկրտումների, և դրա գագաթնակետն այն էր, երբ վերջին նիստում Վազգեն Մանուկյանը շարադրեց մի բան, որին ես չէի կարող չընդդիմանալ, դա Հանրային խորհրդի առաքելության վերասահմանման էր վերաբերում, այն է՝ հասարակությանը դեմ տրամադրել իշխանություններին»:
