Hyundai-ն սկսել է վիրտուալ իրականության օգնությամբ ավտոմեքենաներ մշակել
Hyundai-ի կոնստրուկտորային բյուրոյի գլխավոր գրասենյակում ներկայացվել է վիրտուալ իրականության նոր համակարգ, որի օգնությամբ ինժեներները կարեղ են գնահատել ապագա ավտոմեքենաների պրոեկտավորման որակը, հաղորդում է Motor-ը:
Ավտոմեքենաների մշակման համար մի քանի հավելված է ստեղծվել: Դրանց օգնությամբ դիզայներներն ու ինժեներները կարող են նախապես գնահատել ավտոմեքենայի որակը մինչ դրա հավաքումը: Դրանից հետո վիրտուալ իրականության համակարգն ամբողջությամբ ներդրվում է գործարանի աշխատապրոցեսում: Hyundai-ի ղեկավարությունը արտադրության լուրջ բարելավում է ակնկալում:
Վիրտուալ իրականության ակնոցի օգնությամբ ավտոմոբիլային կոնստրուկտորներն ու ինժեներները կարող են բառացիորեն ներթափանցել ապագա ավտոմեքենայի մեջ: Համակարգը մոդելավորում է ներքին եւ արտաքին կոնստրուկցիայի տարրեր, լուսավորում, գույներ, նյութեր եւ նույնիսկ ստեղծում է վիրտուալ շրջապատ: Այն նաեւ մոդելավորում է դռների, բեռնախցիկի կափարիչի կամ ապակիու մաքրիչների աշխատանքը:
Այժմ տեխնոլոգիան կիրառվում է միայն հարավկորեական գործարանում, ընդ որում, այդ վիրտուալ իրականության համակարգը կարող են միաժամանակ օգտագործել մինչեւ 20 մարդ: Հետագայում Hyundai-ն մտադիր է հեռահար հասանելիության հնարավորություն ստեղծել, որպեսզի մշակումից օգտվեն ամբողջ աշխարհից կոնստրուկտորական կենտրոնները: