Իրականում բանաձևի ընդունումը պայմանավորված էր նաև թուրք-ամերիկյան հարաբերությունների առկա իրավիճակով (Տեսանյութ)

Երբեմն ստեղծվում են համապատասխան իրավիճակներ նաև պայմանավորված թուրք-ամերիկյան հարաբերություններով և միջազգային հարաբերություրից հասկացող յուրաքանչյուր մարդու համար դա գաղտնիք չէ։ Այս մասին «Առաջին լրատվական»-ի հետ զրույցում նշեց ԱԺ «Իմ քայլը» խմբակցության պատգամավոր Տաթևիկ Հայրապետյանը՝ անդրադառնալով ԱՄՆ Սենատի կողմից Հայոց ցեղասպանության բանաձևի ընդունմանը։

Իհարկե, պետք է երախտիքի խոսք ասել այն մարդկանց, որոնք դրանով զբաղվել են, իրականացրել են, որովհետև թե Ներկայացուցիչների պալատում, թե Սենատում բազմաթիվ կոնգրեսականներ, սենատորներ հսկայական աշխատանք են կատարել։ Նրանք միայն մի քանի տարի չէ, որ պայքարում են Հայոց ցեղասպանության ճանաչման համար և հավատում էին արդարության հաստատմանը։ Նրանք կարողացան դա կիրառել համապատասխան քաղաքական իրավիճակում։ Պետք է նրանց շնորհակալ լինել և շարունակել աշխատել։ Սա կարևոր էջ է բացում Հայոց ցեղասպանության միջազգային ճանաչման շարունակականությունն ապահովելու համար։ Այդ աշխատանքը շարունակվելու է և շարունակվելու է պետական մակարդակով»,-ասաց նա։