Տեսախցիկների լիակատար ներդրումը ՀՀ ոստիկանական տեղամասերում 208 մլն կարժենա. փոխոստիկանապետ
Տեսանյութերը ոստիկանությունում կպահվեն 3 ամիս, իսկ լսա-տեսանյութերը՝ 2 տարի։ Այս մասին ՀՀ Ազգային ժողովում «Ոստիկանության մասին» օրենքում լրացումներ եւ փոփոխություններ կատարելու մասին օրինագծի քննարկման ժամանակ, դեկտեմբերի 12-ին ասաց ՀՀ փոխոստիկանապես Տիգրան Եսայանը։
Դրանք կտրամադրվեն հարցաքննության ենթարկված անձին, ինչպես նաեւ նրա ներկայացուցչին, քրեական վարույթն իրականացնող մարմնին, օմբուդսմենին եւ կազմակերպություններին, որոնք իրականացնում են հանրային մոնիթորինգ։ «Այս համակարգի լիակատար ներդրման համար նախատեսված է 208 մլն դրամ»,- ասել է Եսայանը։
Հիշեցնենք, որ քվեարկության ժամանակ պատգամավորները միաձայն քվեարկել են օրինագծի օգտին։