«Աղբ թափելը ամոթ է». որն է այս նախաձեռնության նպատակը և ովքեր կմիանան (Տեսանյութ)
Ես դեկտեմբերի 1-ին հանդես եկա իվենթով, որ ուզում եմ այս տարի իմ ծննդյան օրը նշել Բուսաբանական այգին մաքրելով։ Այս մասին «Առաջին լրատվական»-ի հետ զրույցում նշեց «Աղբ թափելը ամոթ է» նախաձեռնության համահիմնադիր Հակոբ Միկոյանը։
Նա հավելեց, որ որոշել են, որ իրենց նախաձեռնության գործունեությունը կտևի 7-8 ամիս։
«Ես ամեն տարի մաքրում եմ Բուսաբանական այգին, մեկ օր դրան եմ հատկացնում։ Ես իմ ընկերներին կոչ արեցի, որ եթե ուզում եք այդ իօրն ինձ տեսնել, շնորհավորել, եկեք միասին մաքրենք Բուսաբանական այգին և այդ հավաքված աղբը կնվիրեք ինձ։ Ես ոչ մեկիդ չեմ հրավիրում ռեստորան, ոչ էլ թանկարժեք նվերներ եմ ուզում։ Նշեցի նաև, որ եթե չեք կարող այդ ժամին ներկա գտնվել, որովհետև աշխատանքային օր է, դուք կարող եք օրվա ցանկացած ժամի, ցանկացած վայրում հավաքեք մեկ պարկ աղբ, նկարեք, գցեք ֆեյսբուք և նշեք, որ դա իմ ծննդյան օրվա առթիվ է»,-ասաց նա։