«Ըհը, հասանք բանկի փողերին. չենք տալու, պահելու ենք մեզ».Փաշինյանը կատակեց ավանդների հարցով
ՀՀ վարչապետ Նիկոլ Փաշինյանին Լոռու մարզի Լեռնանցք համայնքում քաղաքացիներից մեկը դիմեց ավանդների հարցով` հարցնելով, թե երբ են դրանք վերադարձվելու:
«Պարո´ն Փաշինյան, էս մեր բանկի փողերը ընչի՞ չեն տալիս»,-ասաց նա:
«Ըհը, հասանք բանկի փողերին»,- ասաց վարչապետը:
Ավելի ուշ, երբ նորակառույց տանը վարչապետինն դիմեցին նույն հարցով, նա կատակեց. «Բանկի փողերը ասում եք տա՞նք: Չէ, պահելու ենք մեզ»:
ՀՀ վարչապետ Նիկոլ Փաշինյանն, ով այսօր երկրաշարժի 31-րդ տարելիցի կապակցությամբ գտնվում է Լոռու մարզում: Նշենք, որ նա այսօր նաեւ եղել է Շիրակամուտ, Լեռնանցք գյուղերում, Սպիտակում էլ մասնակցել է ամերիկահայ բարերար Քըրք Քըրքորյանի կիսանդրիի բացման արարողությանը: