Հայկ Մարությանին որևէ հարցի շուրջ չեմ մեղադրում․ Ալեն Սիմոնյան

Երևանի քաղաքապետ Հայկ Մարությանի հրաժարականի որեւէ անհրաժեշտություն չեմ տեսնում։ Այս մասին այսօր՝ դեկտեմբերի 3-ին, լրագրողների հետ զրույցում ասաց ԱԺ փոխնախագահ Ալեն Սիմոնյանը։

«Հայկ Մարությանի հրաժարականի որեւէ անհրաժեշտություն չեմ տեսնում եւ որեւէ ձեւով չեմ մեղադրում պարոն Մարությանին որեւիցե հարցի շուրջ։ Պարոն Մարությանը կատարել է իր գործառույթը եւ մնացել է իր գործառույթների մեջ։ Որպես իրավաբան կարող եմ ասել՝ օրենսդրական առումով որեւէ խախտում չեմ տեոսնում, այլ հարց է, որ միգուցե օրենսդրական բաց գոյություն ունի, որը այսօր ընդդիմությունըփորձում է շահարկել, որը կարծում եմ՝ անհաջողության․․․»,- նշեց նա։

Ալեն Սիմոնյանը որեւէ խնդիր չի տեսնում շինթույլտվությունների մասով․ «Բազմաթիվ շինթույլտվություններ են տրվել, մեկը մյուսի հետ կապել նշանակում է աշխատել եւ ենթադրություններ անել հին տրամաբանությամբ։ Ինչ-որ մեկը ենթադրում է, որ Հայկ Մարությանը կամ Ալեն Սիմոնյանը կամ որեւէ մեկը կարող է «Կամազ»-ի դիմաց ինչ-որ մեկին ինչ-որ բան անի՞։ Ընդդիմությունը բնական է, որ դա պետք է մտածի։ Եթե որեւէ մեկը մտածում է, կարող է ինչ-որ բանի դիմաց ինչ-որ բան ստանալ, դա հին տրամաբանության մեջ»։

Հարցին, թե «Իմ քայլը» կմիանա՞ «Լուսավոր Հայաստան» խմբակցության՝ Քննիչ հանձաժողով ստեղծելու նախաձեռնությանը, Ալեն Սիմոնյանն ասաց, որ այդ հարցը չի քննարկել իր գործընկերների հետ․ «Կքննարկենք, կասենք»։

Մեկ այլ հարցին՝ կստորագրի՞ անձամբ ինքը, Ալեն Սիմոնյանն արձագանքեց. «Ես դրա իմաստը չեմ տեսնում»։