Ռոնալդու. Վերադառնում եմ. (Լուսանկար)
Թուրինի «Յուվենտուսի» և Պորտուգալիայի ազգային հավաքականի առաջատար Կրիշտիանու Ռոնալդուն նոր հրապարակում է կատարել Ֆեյսբուքի իր պաշտոնական էջում:
«Վերադառնում եմ»,- գրել է Ռոնալդուն՝ կից տեղադրելով նոյեմբերի 25-ին տեղի ունեցած մարզումից լուսանկարներ:
Հիշեցնենք, որ Ռոնալդուն ծնկի շրջանում ունեցած ցավերի պատճառով չէր մասնակցել Իտալիայի առաջնության 13-րդ տուրի՝ «Ատալանտայի» դեմ խաղին:
«Յուվենտուսն» իր հաջորդ հանդիպումը կանցկացնի նոյեմբերի 26-ին՝ Երևանի ժամանակով 23:55-ին: Թուրինյան ակումբը Չեմպիոնների լիգայի խմբային փուլի նախավերջին՝ 5-րդ տուրում տնային խաղում ուժերը կչափի Մադրիդի «Աթլետիկոյի» հետ: