Բողոքի ակցիա` Եղեգնուտ գյուղում. թույլ չեն տվել քանդել գործարանի կանգուն մնացած հատվածը
Արմավիրի մարզի Եղեգնուտ համայնքում չգործող երկաթբետոնե կոնստրուկցիաների գործարանի դիմաց նախկին աշխատակիցները այսօր՝ նոյեմբերի 22-ին, բողոքի ակցիա են իրականացրել։
Գործարանի աշխատակիցները թույլ չեն տվել քանդել գործարանի կանգուն մնացած հատվածը, որտեղ ավազի լվացում էր իրականացվում։
Գործարանի նախկին աշխատակիցները բողոքում էին նաև, որ իրենք երկար տարիներ աշխատել են գործարանում, աշխատավարձ չեն ստացել, գրանցված չի եղել, սակայն արդեն 12 տարի է՝ «գործարանը թալանում են»։
Բնակիչների խոսքով՝ համայնքի ղեկավարի պաշտոնակատարը ավագանու հետ ցանկանում է քանդել այդ հատվածը։ Սեփականատերը պնդում է՝ ոչ ոք իրավունք չունի իրեն պատկանող հատվածը քանդել։