Մասնագետները լյարդի ալկոհոլային ախտահարման դեմ պայքարի միջոց են գտել
Կալիֆոռնիայի համալսարանի գիտնականները լյարդի ալկոհոլային ախտահարման դեմ պայքարի միջոց են փորձարկել:
Լյարդի ալկոհոլային ախտահարումը սպանում է պացիենտների գրեթե 75%-ին: Մասնագետները բացատրում են, որ ալկոհոլը ոչ միայն քայքայում է օրգանը իր տոքսիկության հաշվին, այլ նաեւ նպաստում է լյարդում Enterococcus faecalis մանրէների բազմացմանը, գրում է RG-ն:
Այդ մանրէները տարբերվում են հակաբիոտիկների դեմ բարձր կայունությամբ: Դրանք արտազատում են ցիտոլիզիններ՝ տոքսիններ, որոնք քայքայում են լյարդի բջիջների մեմբրանները:
Ամերիկացի գիտնականները կենտրոնացել են Enterococcus faecalis-ի դեմ պայքարի վրա եւ օգտագործել բակտերիոֆագների 4 տեսակներ՝ վիրուսներ, որոնք ախտահարում են բակտերիալ բջիջները: Փորձը ցույց է տվել, որ բակտերիոֆագները կանգնեցրել են ցիտոլիզինի արտազատումը, ինչը դադարեցրել է լյարդի քայքայումը:
Այսօր գիտնականները փորձեր են անցկացնում միայն կրծողների վրա: Սակայն նրանք հույս ունեն մոտ ժամանակներս փորձարկումներ անցկացնել մարդկանց մասնակցությամբ: