Հակամարտությունը Բոլիվիայում սրվում է. զոհվել է 5 մարդ
Ուրբաթ օրը Բոլիվիայում տեղի է ունեցել բախում անվտանգության ուժերի եւ երկրի նախկին նախագահ Էվո Մորալեսի կողմնակիցների միջեւ, ինչի հետեւանքով զոհվել է հինգ եւ վիրավորում ստացել 22 մարդ, տեղեկացնում է Associated Press-ը։
Սակաբա քաղաքի հիվանդանոցի տնօրեն Գվադալբերտո Լարան գործակալությանն ասել է, որ զոհվածների եւ տուժածների մեծ մասը ստացել է հրազենային վիրավորումներ։
Բախումներն սկսվել են, երբ նրանցից շատերը փորձել են անցնել Կոչաբամբա քաղաքի անցակետով, որտեղ երկար շաբաթներ տեղի են ունեցել բախումներ Մորալեսի կողմնակիցների եւ հակառակորդների միջեւ։
Երկրի օմբուդսմենը պահանջել է միջադեպի մանրազնին հետաքննություն անցկացնել։