15 Նոյեմբեր, 2019 19:30

Այստեղ հարցը ոչ թե անձին է վերաբերում, այլ, թե կոնկրետ ինչ քաղաքականություն է նա վարում. Չի բացառվում, որ ինչ-որ փուլում պահանջենք Արայիկ Հարությունյանի հրաժարականը. Ռուստամյան

15 Նոյեմբեր, 2019 19:30 Հասարակություն

Այստեղ հարցը ոչ թե անձին է վերաբերում, այլ նրան, թե կոնկրետ ինչ քաղաքականություն է վարում տվյալ նախարարը: Այս մասին, այսօր՝ նոյեմբերի 15-ին, լրագրողների հետ զրույցում նշել է ՀՅԴ բյուրոյի անդամ Արմեն Ռուստամյանը՝ անդրադառնալով ԿԳՄՍ նախարար Արայիկ Հարությունյանի հրաժարականի պահանջին:

Նշենք, որ Ռուստամյանը մասնակցում է Վազգեն Մանուկյանի նախաձեռնած «Վերնատուն» ակումբի կազմակերպած համաժողովին:

Նրա խոսքով, չի բացառվում, որ ինչ-որ մի փուլում պահանջեն, որ նախարարի հրաժարականի հարցը Ազգային ժողովում բարձրացվի. «Եթե նախարարը չի հասկանում, որ ոչ թե պետք է նայել, թե քննադատողն ով է, այլ նյութը, որով իրեն քննադատում են, նա այսպես անձնավորելով շատ առաջ չի կարող գնալ:

Այս իշխանությունների հետ խոսելն անհնար է, Ղարաբաղի հարց ես բարձրացնում, ասում է՝ երբեք այսպիսի լավ վիճակ չի եղել, ասում ես՝ ազգը պառակտվում է, ասում են՝ երբեք ազգը այսպես միասնական չի եղել: Ասում ես՝ իրավական դաշտում բեսպրեդել է, ասում է՝ ժողովրդի իշխանություն է, ինչ ուզի կանի: Նախկինների սխալները մատնանշելով իբր արդարանում են:

Եթե իշխանության է եկել ժողովուրդը, ապա պետք է այդ ժողովրդից լավերին գտնես ու նշանակես, ոչ թե միայն քո հետ քայլածներին նշանակես պաշտոնների: Ի՞նչն ես դու մերժել, մերժել ես անձին, մերժել ես Սերժին, բայց նրա ամբողջ սխալները, որ նա կատարել է, պահպանվել է»,-ընդգծեց Ռուստամյանը:

Այս թեմայով