на Русском
Երևանի մանկապարտեզներում երկարօրյա ծառայությո... 
Հենրի Քավիլն առաջին անգամ հայր կդառնա
Լիբանանը գտնվում է շատ վտանգավոր իրավիճակում. պաշտպանության նախարար
Լիբանանը գտնվում է շատ վտանգավոր իրավիճակում: Այս մասին հայտարարել է երկրի պաշտպանության նախարար Էլիաս Բու Սաաբը՝ վերջին օրերին փողոցային անկարգությունները համեմատելով 1975-90 թվականներին քաղաքացիական պատերազմի սկզբի հետ, հաղորդում է Reuters-ը:
Լիբանանում անկարգությունների ֆոնին քաղաքական եւ տնտեսական լուրջ խնդիրներ են առաջացել: Չնայած տնտեսական ճգնաժամի մասշտաբներին՝ երկրի առաջնորդներին չի հաջողվել նախարարների նոր կաբինետի հետ համաձայնության հասնել:
Սաաբը, որը նախագահ Միշել Աունի քաղաքական դաշնակիցն է, հայտարարել է, որ փողոցներում լարվածությունն ու փողոցները փակելը հիշեցնում է 1975 թվականի քաղաքացիական պատերազմը:
«Եվ այդ իրավիճակը շատ վտանգավոր է»,- ասել է նա:
Նա նշել է, որ ցուցարարները բողոքի ակցիաներ կազմակերպելու իրավունք ունեն, հավելելով, որ բանակն ու անվտանգության ծառայությունները չեն կարող համաձայնության հասնել նրանց հետո, ովքեր բռնություն են կիրառում:
Երկրում երրորդ օրն է՝ շարունակում են փակ մնալ դպրոցները, բանկերն ու խանութները:
