Քոչարյանի դեմ գործը նախաձեռնողները ձգտում են, որ դատավարությունը երկար տարիներ տեւի. փաստաբան

Նա, ով դատավարություն է սկսել երկրորդ նախագահ Ռոբերտ Քոչարյանի դեմ, նպատակ է հետապնդում, որ դատավարությունը շարունակվի 5-7 տարի: Այս մասին այսօրվա դատական նիստում հայտարարեց փաստաբան Հայկ Ալումյանը:

«Գործով 800 վկա է անցնում: Սա նշանակում է, որ եթե այլ խոչընդոտներ չլինեն, միայն նրանց լսելու համար անհրաժեշտ է 5-ից մինչեւ 7 տարի: Նա, ով երկրորդ նախագահ Ռոբերտ Քոչարյանի դեմ դատավարություն է սկսել, նպատակ է հետապնդել, որ դատավարությունը շարունակվի 5-7 տարի»,- հայտարարեց փաստաբանը:

Ընդ որում՝ նա նշեց, որ բացի 30-40 վկայից, մնացյալը ոչ մի բանի մասին չեն խոսելու: «Այն, ինչ նրանք կարող են հայտնել, ոչ ոք չի վիճարկում»,- ընդգծեց փաստաբանը:

Փաստաբան Հովհաննես Խուդոյանը ընդգծեց նաև, որ Ռոբերտ Քոչարյանի փաստաբանները դատարան ներկայացրեցին մի շարք այլ միջնորդություններ:

Միջնորդությունները վերաբերում են դատավարության դադարեցմանը, ապացույցների թույլատրելիությանը, մասնակիցների կազմին: Այսինքն՝ այս փուլում միջնորդությունները չեն սպառվել, նշեց փաստաբանը:

Ի պատասխան այն հարցին, թե կարելի՞ է արդյոք սպասել, որ դատավարությունը կսկսվի մինչեւ տարեվերջ, փաստաբանը նկատեց, որ ամեն ինչ կախված կլինի հակառակ կողմի պահվածքից: «Եթե 10-րոպեանոց միջնորդությունները ժամերով քննարկվեն…»,- պարզաբանեց փաստաբանը