Իմ գալու նպատակը 2 ֆակուլտետների ուսանողների և պրոֆեսորներին լսելն էր և հասկանալը․ Գեղամ Գևորգյան

Իմ գալու նպատակը 2 ֆակուլտետների ուսանողների և պրոֆեսորներին լսելն էր և հասկանալն էր, թե ինչ պահանջ ունեն, ինչու ունեն եւ պահանջները ներկայաման ձեւերի շուրջ պայմանավորվեցինք։ Այս մասին այսօր՝ նոյեմբերի 6-ին, լրագրողների հետ զրույցում ասաց Երեւանի պետական համալսարանի ռեկտորի պաշտոնակատար ԳԵղամ Գեւորգյանը՝ խոսելով հայ բանասիորության ֆակուլտետի դեկանի եւ պրոֆեսորների հետ հանդիպման մասին։

Նշենք, որ այսօր ԵՊՀ հայ բանասիրության ֆակուլտետի ուսանողները դասադուլ են սկսել՝ բուհական ծրագրերում «Հայոց լեզու» եւ «Հայոց պատմություն» առարկաները ոչ պարտադիր դարձնելու որոշման նախագծի դեմ, նրանց էին միացել պատմության ֆակուլտետի ուսանողները։ Ուսանողներին սատարում էին նաեւ ուսանողները։ ԵՊՀ հայ բանասիրության ֆակուլտետի դեկանի մոտ ռեկտորը քննարկման էր հրավիրել դասախոսներին։

Ռեկտորի պաշտոնակատարի խոսքով՝ քննարկումը երկար տեւեց ոչ նրա համար, որ շատ հարցեր էին քննարկվում․ «Քննարկումը երկար տեւեց, որովհետեւ բոլորին հնարավորություն տրվեց արտահայտվել, բոլորն ասացին իրենց կարծիքն ու մտահոգությունը, եղել է փոխադարձ պայմանավորվածություն, որ գրավոր գրեն այն, ինչ ուզում են արտահայտեն,իսկ ստորագրահավաքն իրականացվի ոչ թե ընդհանրապես, այլ կոնկրետ տեքստի վրա, որովհետեւ վաղը կարող են ասել այսպես չեմ հասկացել, ընդ որում երկու ուղղությամբ էլ եւ պակաս հեղափոխականները եւ շատ հեղափոխականները։ Հաջորդը պայմանավորվեցինք, որ եթե որոշում են անել դասադուլ կամ գործադուլ, պետք է անեն շենքից դուրս, այն պարզ պատճառով, որ ոչ բոլորն են միացել դրան»։

«Հայոց լեզու» եւ «Հայոց պատմություն» առարկաները ոչ պարտադիր դարձնելու որոշման նախագծի շուրջ Գեւորգյանը արտայատեց նաեւ իր կարծիքը․ «Ես արհեստական եմ համարում 2 առարկա առանձնացել, մյուսների մասին չխոսելը, որովհետեւ այդ 2 առարկաները օրենքի ուժով են ներմուծված, ընդ որում մի քիչ կատեգորիկ է ներմուծված, կան էլի առարկաներ, որոնք էլ կառավարության որոշմամբ են պարտադիր դարձել, դրանց մասին կարծես թե չենք խոսում, դրանք են բնապահպանությունը, քաղպաշտպանությունը, ֆիզկուլտուրան, իրավաբանությունը, իհարկե այս առարկաները հայագիտական 2 առարակների հետ նույն հարթության վրա չէի դնի, բայց դրանք նույն հարթության վրա են։ Օրենքի նախագծով առաջարկվում է, որ բուհում չլինի պարտադիր առարկաներ։ Օրենքի ուժով հայոց լեզուն ու հայոց պատմւթյունը պարտադիր չի դպրոցներում, առաջարկեցի նախաձեռնողներին, թե ինչու չեն ուզում դպրոցում օրենքի ուժով ամրագրել հայոց լեզուն եւ հայոց պատմությունը, բոլորը զարմացան, որ այդպես չէ։ Այո մի քիչ տարօրինակ է՝ որեւէ կրթական հիմնարկին պարտադրել կրթական ծրագրեր, երբ նրանք պետք է լինեն ինքնավար։ Ես գտնում եմ, որ արժի այդ 2 առարակները բուհերում անցնել, բայց երբ եւ ինչպեսը պետք է քննարկման առարկա լինի»։

Նա կարծում է, որ ճիշտ կլինի հայոց պատմությունն ու հայոց լեզուն բուհերում անցնեն որոշակի մանսագիտական հմտություններ ձեռք բերելուց հետո․ «Իմ կարծիքով՝ արժեր, որ հայ ժողովրդի պատմության հիմնահարցերը լիներ 3-րդ կամ 4-րդ կուրսում, ավագ դպրոցում աշակերտները անցել են պատմություն, 1 տարին առանձնապես մեծ հասունացման չի բերելու մարդկանց, պետք է 2 տարի ընդմիջում տանք, մարդա ավելի հասունանա, նրան ուսացանենք հայ ժողովրդի պատմության հիմնահարցերը։ Հայոց լեզուն եւ գրականությունն էլ անցնեն մեկ կիսամյակով որոշակի մասնագիտական հմտությւոններ ձեռք բերելուց հետո»։

Հարցին՝ վարչապետ Նիկոլ Փաշինյանի հանձնարարական է եղել գալ եւ հանդիպել դասախոսների հետ, Գեւորգյանն արձագանքեց․ «Ես նրա հետ խոսել եմ 100-ամյակին նվիրված հոբելյանական նիստին օթյակում նստած ժամանակ, դրանցի հետո չեմ տեսել, հեռախոսով կապվելու հնարավորություն չունեմ, օնլայն տեսել եմ, եւ որոշել եմ գալ, հանդիպել, գալուց 1 ժամա առաջ զանգել եմ պարոն Ավագյանին խնդրելով մարդկանց հավաքել այստեղ»։

Նա շեշտում է՝ չպետք է առարկաներն անցնել հանուն անցնելու․ «Ընդհանրապես ասել, որ այդ առարկաները կարևոր են մեր ազգային ինքնության համար և այլն, մերկապարանոց հայտարարությունն է, այդ առարկաներն անցնել հանուն անցնելու կամ որ որոշ մարդիկ ունենան զբաղվածություն, անընդունելի է: Ես չեմ բացառում, որ կարող է լինել համընդհանուր դասադուլ, բայց համոզված եմ՝ դա չի լինի օրենքի նախագծի դեմ, այլ կլինի հավեսի համար»։

Մեկ այլ հարցի՝ այդ դասադուլը հնարավո՞ր է ազդի իր պաշտոնավարման վրա, Գևորգյանը նշեց․ «Երբ ինձ առաջարկվեց դառնալ ռեկտորի պաշտոնակատար, ես առաջարկներ ունեի բուհական համակարից և դրանից դուրս, ես ընտրեցի սա, ինչու, եկեք չմեկնաբանեմ։ Այսօրվա միջադեպը կապ կունենա թե ոչ, ավելին՝ ասեմ դրական կապ կունենա, թե ոչ․․․ օրինակ՝ ձեր բոլորի կարծիքով 2018 թվականի ապրիլի միջադեպը բացասական ազդեր, բայց ինչպես տեսնում եք, ողջ եմ և ԵՊՀ ռեկտորի պաշտոնակատար»։