ԵԱ․ Հայաստանի հավաքականին պարտությունից փրկեց Հրանտ Մելքումյանի հաղթական միավորը
Բաթումիում շարունակվող շախմատի Եվրոպայի թիմային առաջնության չորրորդ տուրում Հայաստանի հավաքականը մրցեց Ուկրաինայի թիմի հետ։ Գրանցվեց ոչ ոքի՝ 2։2։
Լեւոն Արոնյանը սպիտակներով ոչ ոքի խաղաց Վասիլի Իվանչուկի հետ, Գաբրիել Սարգսյանը սեւերով միավորը կիսեց Յուրի Կուզուբովի հետ։ Հայկ Մ․ Մարտիրոսյանը չորրորդ տախտակին սեւերով պարտվեց Վլադիմիր Օնիշչուկին։
Հայաստանի հավաքականին պարտությունից փրկեց երրորդ համար Հրանտ Մելքումյանը, որը սպիտակներով պարտության մատնեց Ալեքսանդր Մոիսեենկոյին։
Հայաստանի եւ Ուկրաինայի հավաքականները վաստակել են 7-ական միավոր եւ ընթացիկ առաջատարներն են։