Թուրք մարզիչը խաղի ընդմիջմանը հանդերձարանում ապտակել է ֆուտբոլիստներին և սպառնացել (Տեսանյութ)
Թուրքական «Կայսերի Մեյսուսպորի» երիտասարդական թիմի գլխավոր մարզիչ Հալիտ Կուրտը հայտնվել է սկանդալային պատմության մեջ։ Մարզիչը հանդիպման ընդմիջմանը ապտակել է բոլոր խաղացողներին, ամոթանք տվել եւ սպառնացել, հաղորդում է բրիտանական The Sun-ը։ Թիմը առաջին խաղակեսից հետո պարտվելիս է եղել 1։3 հաշվով։ Տեսանյութը հայտնվել է համացանցում։
Հալիտ Կուրտը հետագայում հայտարարել է, որ այդպիսի մեթոդների դիմել է նաեւ լեգենդար Ալեքս Ֆերգյուսոնը։
«Այսպիսի բաներ տեղի են ունենում, երբ թիմը նպատակ ունի նվաճել տիտղոսներ։ Բոլորս գիտենք, որ Ֆերգյուսոնը ժամանակին ապտակել է Դեւիդ Բեքհեմին։ Ասում են՝ Ֆատիհ Տերիմը եւս երբեմն ապտակում է խաղացողներին։ Ներողություն եմ խնդրում, բայց ափսոսում եմ ոչ թե ապտակների, այլ խոսքերիս համար, որ ասել եմ այդ պահին ֆուտբոլիստներին»,- նշել է Կուրտը։