Ճապոնիան չի միանա Մերձավոր Արևելքում առևտրային նավերի պաշտպանության համար ԱՄՆ կոալիցիային
Ճապոնիան չի միանա Մերձավոր Արեւելքում առեւտրային նավերի պաշտպանության համար ԱՄՆ կոալիցիային, սակայն մտադիր է իր ուժերը կենտրոնացնել Ճապոնիա նավթի անվտանգ մատակարարման ապահովման համար, հաղորդում է AP-ը:
Ճապոնիայի կառավարության քարտուղար Յոսիհիդե Սուգան հայտարարել է, որ Ճապոնիան կշարունակի Վաշինգտոնի հետ սերտ համագործակցությունը:
«Մերձավոր Արեւելքում խաղաղությունն ու կայունությունը չափազանց կարեւոր են միջազգային հանրության, ներառյալ Ճապոնիայի համար»,- ասել է նա: Նրա խոսքով՝ Ճապոնիան մտադիր է տեղեկատվության հավաքագրման նպատակներով ռազմական նավեր տեղակայել Օմանի ծոցում, Արաբական ծովում եւ հարակից ջրերում, սակայն ոչ Հորմուզի նեղուցում: