Բարսելոնայում բախումներ են տեղի ունեցել ոստիկանության և դիմակներ կրող ցուցարարների միջև
Հարյուրավոր ցուցարարներ, որոնք պայքարում են Կատալոնիայի անկախության համար, դուրս են եկել Բարսելոնայի փողոցներ ուրբաթ՝ բողոքի ցույցերի հինգերորդ օրը, որոնք հրահրվել էին մի շարք կատալոնացի առաջնորդների ձերբակալությամբ, հաղորդում է Reuters-ը:
Հիմնականում ակցիաներն անցել են խաղաղ պայմաններում, սակայն այսօր ցերեկը բախումներ են տեղի ունեցել դիմակներ կրող մի քանի հարյուր երիտասարդների եւ ոստիկանության ներկայացուցիչների միջեւ:
Անկարգությունների մասնակիցներն արգելափակել են լայն բուլվարն այրվող աղբով եւ քարեր են նետել ոստիկանների ուղղությամբ:
Անցորդները ստիպված էին թաքնվել մոտակա խանութներում, իսկ ոստիկանների բեռնատարները փորձել են ազատել փողոցները:
Քաղաքում նաեւ տեղի է ունեցել քայլերթ, որին, ըստ ոստիկանների տվյալների, մասնակցել է շուրջ 525 000 մարդ: