Վալվերդե. Սուպերկլասիկոն տեղի կունենա հոկտեմբերի 26-ին
Կատալոնական «Բարսելոնայի» գլխավոր մարզիչ Էռնեստո Վալվերդեն խոսել է Իսպանիայի առաջնության 10-րդ տուրի՝ «Ռեալի» հետ սպասվող հանդիպման մասին:
«Հանդիպումը նախատեսված է անցկացնել հոկտեմբերի 26-ին, և ես վստահ եմ, որ որևէ փոփոխություն տեղի չի ունենա:
Մինչև «Ռեալի» հետ հանդիպումը դեռ 9 օր ժամանակ կա: Կարծում եմ, որ Իսպանիայի ֆուտբոլի ֆեդերացիան չի փոխի որոշումը»,- Վալվերդեի խոսքը մեջբերում է Sport.es-ը:
Ավելի վաղ հաղորդվում էր, որ «Բարսելոնա» - «Ռեալ Մադրիդ» հանդիպումը կարող է տեղի ունենալ դեկտեմբերի 18-ին:
Հիշեցնենք, որ «Ռեալը» 18 միավորով գլխավորում է մրցաշարային աղյուսակը: «Բարսելոնան» 16 միավորով երկրորդն է: