«Բաժնետիրական ընկերությունների մասին» օրենքի 88 հոդվածով՝ առողջապահության նախարարը ցանկացած պահի, առանց որևէ հիմնավորման, կարող է կամայականորեն աշխատանքից ազատել ցանկացած տնօրենի. «Հրապարակ»
«Հրապարակ» թերթը գրում է.
«Առողջապահության նախարար Արսեն Թորոսյանը շարունակում է բժշկական կենտրոնների տնօրենների ջարդը: Հաջորդը թիրախում է արյունաբանության կենտրոնի տնօրեն Սամվել Դանիելյանը, ում 2018-ի հունիսի 21-ին նշանակել է հենց ինքը՝ Թորոսյանը:
Պարզվում է՝ «Բաժնետիրական ընկերությունների մասին» օրենքի 88 հոդվածի 5-րդ կետով՝ առողջապահության նախարարը ցանկացած պահի, առանց որևէ հիմնավորման, կարող է կամայականորեն աշխատանքից ազատել ցանկացած տնօրենի։
Արյունաբանականի տնօրենը, օգտվելով Աննա Հակոբյանի հետ ջերմ հարաբերություններից, հնազանդորեն չի ենթարկվել նախարարին, չի կատարել նրա ցուցումները, երբեմն հակաճառել է նրան և հավելյալ ֆինանսավորում պահանջել, ինչն էլ նրան թիրախավորելու պատճառ է դարձել»:
Առավել մանրամասն՝ թերթի այսօրվա համարում: