Արդեն 10 տարի է՝ Հայաստանը գտնվում է տնտեսական ճգնաժամի մեջ. Տնտեսագետ, պրոֆեսոր Աշոտ Մարկոսյան
2017-ին՝ 2008-ի համեմատությամբ, Հայաստանում մեկ շնչին ընկող ՀՆԱ-ն ոչ միայն չի աճել, այլ նաեւ նվազել է: Այս մասին այսօր՝ հոկտեմբերի 9-ին, «Ինչ անել-2. տնտեսական հեղափոխություն՝ ընկալումը եւ գործարկումը» խորհրդաժողովին, որին ներկա էր նաեւ ՀՀ վարչապետ Նիկոլ Փաշինյանը, հայտարարեց տնտեսագետ, պրոֆեսոր Աշոտ Մարկոսյանը:
Նրա խոսքով՝ 2016-ին ՀՆԱ-ն նվազել է 404 դոլարով, եւ դա 7,5% տնտեսական աճի դեպքում՝ 2017-ին:
«Եվ այդ պահից այդպես էլ չհաջողվեց փոխել իրավիճակը: Այժմ մեկ շնչին ընկող ՀՆԱ-ն կազմում է 73 դոլար: Ընդ որում, հատկանշական է, որ 2017-ին մեր ՀՆԱ-ն այդպես էլ չի կարողացել հասնել 2008-ի մակարդակին եւ կազմել 12 մլրդ 622 դոլար, ինչն իհարկե խոսում է այն մասին, որ մեր տնտեսությունը լճացել է»,- ասաց տնտեսագետը:
Ընդ որում, նա հիշեցրեց, որ միջազգային նորմերի համաձայն երկիրը կարող է համարվել տնտեսական ճգնաժամի զոհ այն դեպքում, եթե 6 ամսվա ընթացքում ֆիքսվում է ՀՆԱ անկում:
«Եթե ելնենք վերջին 10 տարվա ցուցանիշներից, ապա ստացվում է, որ մեր երկիրն արդեն երկար ժամանակ է՝ գտնվում է ճգնաժամային վիճակում, եթե հաշվի առնենք ՀՆԱ ցուցանիշները: Եթե ուսումնասիրենք 2008-2017 թվականների ցուցանիշները, կնկատենք, որ Հայաստանը հետխորհրդային տարածքի բոլոր 15 հանրապետություններից ունեցել է գործազրկության ամենաբարձր մակարդակը։ Միևնույն ժամանակ, գործազրկության միջին ցուցանիշը Հայաստանում գերազանցել է 43,7 տոկոսը։ Ահա թե ինչու մեր հայրենակիցներն իրենց հաջողությունը փնտրում են օտար ափերում, և թե ինչու է մեզ մոտ այդքան բարձր արտագաղթի մակարդակը»,- պարզաբանել է Մարկոսյանը։
Անդրադառնալով աղքատության մակարդակի խնդրին՝ տնտեսագետը նշեց, որ աղքատությունն ամենաբարդ եւ դժվարհաղթահարելի մարտահրավերներից է ցանկացած երկրի համար, քանի որ այն ձեւախեղում է հասարակությունը եւ միաժամանակ էապես կրճատում տնտեսական աճի տեմպերը։ «Աղքատությունը գյուղական վայրերում նույնպես որեւէ փոփոխություն չի գրանցել, եւ այդ առնչությամբ ես պետք է հիշեցնեմ, որ 2018 թվականին ծայրահեղ աղքատության խնդիրը, վերջապես, լուծվեց»,- ամփոփել է փորձագետը։