Գարի Նևիլ․ Չեմ կարծում, որ «Լիվերպուլը» բաց կթողնի չեմպիոնությունը
«Մանչեսթեր Յունայթեդի» նախկին պաշտպան եւ ավագ, բրիտանացի ֆուտբոլային փորձագետ Գարի Նեւիլը կանխատեսել է, որ Անգլիայի ընթացիկ առաջնությունը կավարտվի «Լիվերպուլի» չեմպիոնությամբ։
«Չեմ կարծում, որ «Լիվերպուը» բաց կթողնի չեմպիոնությունը։ «Մանչեսթեր Սիթին» կարգին վիճակում չէ։ Նրանց պաշտպանության քառյակը չի համապատասխանում թիմի բարձր մակարդակին։ Նրանք թույլ են տալիս մրցակիցներին ստեղծել բազմաթիվ գոլային պահեր։ Այդպես չէր անցած մրցաշրջանում»,- Գարի Նեւիլի խոսքը մեջբերում է Sky Sports-ը։
Անգլիայի ընթացիկ առաջնությունում «Լիվերպուլը» 8 խաղում տարել է նույնքան հաղթանակ՝ 24 միավոր։ «Մանչեսթեր Սիթին» 16 միավորով երկրորդ տեղում է։