Մեքսիկայում հայտնաբերել են ոստիկանի գլխատված մարմինը
Մեքսիկայում հայտնաբերել են Կինտանա Ռոո նահանգի ոստիկանության հրամանատարի գլխատված մարմինը:
Նրան առեւանգել էին, խոշտանգել եւ Կանկունում սպանել թմրակարտելի անդամները, փոխանցում է Fox News-ը:
Քննիչները Խոսե Անտոնիո Արչի Յամայի մարմինը հայտնաբերել են ճանապարհից գրեթե ոչ հեռու՝ գորշակարմիր սավանով փաթաթված: Նրա գլուխը սեւ պայուսակի մեջ քիչ հեռվում էր:
Ոստիկանների կարծիքով՝ Jalisco Nueva Generacion կարտելի անդամները ոստիկանին առեւանգել էին անցած երեքշաբթի:
Դաժան սպանությունը շրջանում ընդամենը վերջին տագնապահարույց միջադեպն է, որտեղ կարտելների պատերազմի ֆոնին տեղի է ունեցել բռնության կտրուկ աճ: