Թբիլիսիում ուժգին քամիները պոկել են շենքերի տանիքները (Տեսանյութ)
Թբիլիսիում նախօրեին փոթորկային քամիները տների տանիքներ են պոկել ու ծառեր տապալել, ինչի հետեւանքով երկու մարդ է տուժել, հաղորդում է Sputnik-Գրուզիա-ն՝ հղում անելով Առաջին ալիքին:
Դժբախտ պատահարը տեղի է ունեցել շաբաթ ցերեկը մայրաքաղաքի Սաբուրտալիսնկի շրջանի Դոլիձե փողոցում: Ծառն ընկել է երկու մարդու վրա, որոնք ստացել են թեթեւ վնասվածքներ:
Ռուսթավի քաղաքում քամուց պոկված ծառը վնասել է էլեկտրահաղորդման լարն ու մի քանի ժամով փակել ճանապարհը:
Թբիլիսիում ուժգին քամու հետեւանքով առաջացած խնդիրների պատճառով արտակարգ իրավիճակների վարչությունը ստացել է 25 հաղորդագրություն: Ռուսթավիի քաղաքապետարանը ստացել է 12 այդպիսի հաղորդագրություն:
Հրապարակված տեսանյութում երեւում է՝ ինչպես է փոթորիկը պոկում տների տանիքները: