Յուտայում վթարի է ենթարկվել չինացի զբոսաշրջիկներով ավտոբուսը. 4 մարդ է զոհվել
ԱՄՆ Յուտա նահանգում տեղի է ունեցել ողբերգական պատահար. չինացի զբոսաշրջիկներով ավտոբուսը դուրս է եկել երթեւեկելի ուղեմասից եւ վթարվել «Բրայզ Կանյոն» ազգային արգելոցի մերձակայքում, հայտնում է Reuters-ը:
Ճանապրհային պատահարի հետեւանքով զոհվել է 4 մարդ, 26-ը վնասվածքներ ստացել, ծանր վնասվածքներ է ստացել մինչեւ 15 մարդ:
Պատահարը տեղի է ունեցել տեղական ժամանակով 11:30-ին: Տեղի ունեցածի պատճառները քննվում են: Ընդ որում նահանգի պարեկը եւ Գարֆիլդ շրջանի շերիֆի դեպարտամենտը հայտարարում են, որ պատահարի պատճառը եղանակային պայմանները չեն:
Երբ ավտոբուսը կողաշրջվել եւ ընկել է երկաթուղու վրա, ավտոբուսում եղել է 30 մարդ, ներառյալ վարորդը:
Բոլոր տուժածներին հոսպիտալացրել են, 5 վիրավորների հիվանդանոց են տեղափոխել ուղղաթիռով: