Ցանկանում եմ կարիերաս ավարտել «Բարսելոնայում». Մեսիի բացառիկ հարցազրույցը Sport-ին

Իսպանիայի չեմպիոն «Բարսելոնայի» առաջատար Լիոնել Մեսին իսպանական Sport-ին տված հարցազրույցում անդրադարձել է «Բարսելոնայից» իր հեռանալու մասին վերջերս մամուլում շրջանառվող լուրերին: Մեսին նաև վստահեցրել է, որ «Բարսելոնան» մեկնարկած մրցաշրջանում իր առաջ նպատակ է դրել հաղթել բոլոր մրցաշարերում, որին ակումբըմասնակցում է:

                                               Նախորդ մրցաշրջանի մասին

«Նախորդ մրցաշրջանը «Բարսելոնայի» անցկացրած լավագույն մրցաշրջաններից չէր, քանի որ ակումբը չկարողացավ հաղթել բոլոր մրցաշարերում:

Այնուամենայնիվ, պետք է փաստենք, որ մենք նախորդ մրցաշրջանում այդքան էլ վատ հանդիպումեր չենք անցկացրել, եթե հաշվի մեջ չներառենք «Լիվերպուլի» հետ պատասխան հանդիպումն ու Իսպանիայի գավաթի եզրափակիչ՝ «Վալենսիայի» հետ հանդիպումը:

Անձամբ ինձ նախորդ մրցաշրջանում հաջողվել է բազմաթիվ գոլերի հեղինակ դառնալ և անհատական մրցանակներ նվաճել, սակայն ինձ ավելի շատ հետաքրքրում են թիմային հաղթանակները»:

                                Աշխարհի լավագույն ֆուտբոլիստի տիտղոսի մասին

«Ես չեմ ցանկանում կենտրոնանալ «Ոսկե գնդակը» նվաճելու վրա: Երբ մենք թիմային մեծ հաջողություններ ենք գրանցել, ես արժանացել եմ այդ մրցանակին: Ինձ համար առաջնային են «Բարսելոնայի» հաղթանակները:

«Ոսկե գնդակը» նվաճելու հարցում մեծ դեր ունի Չեմպիոնների լիգան, աշխարհի առաջնությունը: Ես այս մրցանակը թիմային աշխատանքի արդյունք եմ համարում»:

                                                   Վնասվածքի մասին

«Սկսել եմ ինձ ավելի լավ զգալ: Չեմ ցանկանում ռիսկի դիմել և խաղադաշտ կվերադառնամ միայն այն ժամանակ, երբ ինձ լիովին առողջ զգամ: Սա լավ սկիզբ չէր մրցաշրջանի համար, քանի որ ես շատ էի ցանկանում մասնակցել մրցաշրջանի մեկնարկային հանդիպումներին:

Այժմ ակնհայտ է, որ ես չեմ կարողանա մասնակցել «Վալենսիայի» հետ խաղին: Ինչ վերաբերում է «Բորուսիայի» դեմ հանդիպմանը, մենք դեռ պետք է սպասենք:

Չեմ համբերում, թե երբ եմ վերադառնալու խաղադաշտ»:

                                              Նոր մրցաշրջանի մասին
«Անհանգստացած չեմ «Բարսելոնայի» գրանցած արդյունքներով: Մենք լավ հանդիպումներ ենք անցկացնում, սակայն թիմին չի հաջողվում արդյունավետ եզրափակել գրոհները:

Մեծ թվով ֆուտբոլիստներ վնասվածքների պատճառով չեն մասնակցում հանդիպումներին: Նորեկները դեռևս լիովին չեն հարմարվել ակումբի մարտավարությանը, սակայն ես վստահ եմ, որ կարճ ժամանակ անց ամեն ինչ կարգավորվելու է:

                                                  Չեմպիոնների լիգա

«Մեկնարկած մրցաշրջանում Չեմպիոնների լիգայի գավաթը նվաճելն առանձնահատուկ կարևորություն ունի ինձ համար:

«Բարսելոնան» երկար ժամանակ է, ինչ չի հաղթել այս մրցաշարում: Ես համաձայն եմ պարտվել Իսպանիայի առաջնությունում, սակայն հաղթել Չեմպիոնների լիգայում»:

                                                Թիմի նորեկների մասին

«Նախորդ մրցաշրջանում «Բարսելոնան» մրցունակ կազմ ուներ, սակայն հիմա մենք էլ ավելի ենք հզորացրել թիմի կիսապաշտպանությունն ու հարձակումը: Գրիզմանն ու դե Յոնգը մեծ ձեռքբերումներ են ակումբի համար:

Վստահ եմ, որ մենք կարող ենք ճիշտ օգտագործել այն ֆուտբոլիստներին, որոնք գտնվում են մարզիչների տրամադրության տակ:

«Բարսելոնան» ունի այն կազմը, որը կարող է պայքարել ցանկացած գավաթի համար»:

                                                           Դեմբելեի մասին

«Դեմբելեն երիտասարդ, սակայն մեծ հեռանկար ունեցող հարձակվող է: Ես համոզված եմ, որ նրա մոտ ամեն ինչ ստացվելու է: Մեկնարկած մրցաշրջանը հրաշալի հնարավորություն է Դեմբելեի համար ցուցադրելու այն ֆուտբոլը, որը երկրպագուները սպասում են տեսնել նրանից:

Լիահույս եմ, որ վնասվածքները չեն խանգարի Դեմբելեին, ինչպես դա պատահեց նախորդ մրցաշրջանում»:

                                               Ակումբում իր ապագայի մասին

«Նպատակ ունեմ «Բարսելոնայում» հանդես գալ այնքան, որքան կկարողանամ: Այս ակումբն իմ տունն է, և ես ցանկանում եմ կարիերաս ավարտել այստեղ:

Զգում եմ, որ ֆիզիկապես դեռ կարող եմ օգտակար լինել թիմին: Ամբողջ ուժերս ներդնելու եմ ակումբի հաղթանակների հասնելու գործում:

Գումարն ինձ համար կարևոր չէ ֆուտբոլում: Հանուն գումարի ես երբեք որոշումներ չեմ ընդունել: Ինձ դուր է գալիս լինել հաղթող թիմի մի մասը»:

                                          Լուիս Էնրիկեի դստեր մահվան մասին

«Մեծ ցավով ենք տեղեկացել Էնրիկեի դստեր մահվան մասին: Սա նորություն էր, որը շոկի ենթարկեց բոլորին: Ամբողջ թիմով Էնրիկեների ընտանիքի համար այս ծանր պահին կանգնած ենք նրանց կողքին:

Աշխարհում անսպասելի կորուստներ շատ են տեղի ունենում, սակայն երբ դա պատահում է քեզ հարազատ մարդու հետ, դու չես կարողանում համակերպվել այդ կորստի հետ»:

                                       Ռոնալդուի հետ ընթրիքի մասին

«Ես շատ լավ հարաբերություններ ունեմ Ռոնալդուի հետ: Չեմ կարող ասել, որ մենք ընկերներ ենք, քանի որ հանդես չենք եկել նույն ակումբում և չենք խաղացել կողք կողքի, սակայն երբ մենք հանդիպել ենք, միշտ ջերմ զրույցներ ենք ունեցել:

Իհարկե, կցանկանամ ընթրել Ռոնալդուի հետ և կարծում եմ, որ այդ ընթրիքը մոտ ապագայում տեղի կունենա»:

           «Բարսելոնայի» մարզական տնօրենի պաշտոնում Պույոլի նշանակման մասին

«Եթե Պույոլը վերադառնա «Բարսելոնա», դա հրաշալի ձեռքբերում կլինի ակումբի համար: «Բարսելոնան» ունի փիլիսոփայություն, և թիմի հետագա հաջողությունները կախված են այն մարդկանցից, որոնք կրողն են այդ փիլիսոփայության: Պույոլը հենց այդ մարդկանցից մեկն է:

Պույոլը մեծ պրոֆեսիոնալ է, և ես վստահ եմ, որ ակումբի մարզական տնօրենի պաշտոնում նա կարդարացնի ղեկավարության սպասելիքները»:

                                                 Նեյմարի վերադարձի մասին

«Ես շատ ուրախ կլինեի, եթե Նեյմարին հաջողվեր վերադառնալ «Բարսելոնա»: Գիտեմ, որ ակումբը բանակցություններ էր վարում ՊՍԺ-ի հետ, որպեսզի վերադարձնի Նեյմարին, սակայն գիտեմ նաև, որ ՊՍԺ-ի հետ շատ դժվար է բանակցելը:

Նեյմարը ցանկություն ուներ վերադառնալ «Բարսելոնա», սակայն ցավում եմ, որ նրա տեղափոխությունը չստացվեց:

Այնուամենայնիվ, մենք հրաշալի կազմ ունենք և նույնիսկ առանց Նեյմարի կարող ենք կատարել ակումբի առաջ դրված խնդիրները»:

                           «Բարսելոնայում» ունեցած իր ազդեցության մասին

«Հաճախ եմ լսել, որ մարդիկ ասում են, թե ես մեծ ազդեցություն ունեմ «Բարսելոնայում» և կարողանում եմ այն օգտագործել իմ անձնական նպատակների համար: «Բարսելոնան» ունի նախագահ, իսկ ակումբը ղեկավարվում է տնօրենների խորհրդի կողմից: Երբեք ինձ թույլ չեմ տվել քննարկել ղեկավարության ընդունած որոշումները, առավել ևս՝ ազդել դրանց վրա:

Խաղադաշտում ամեն ինչ որոշում է մարզիչը: Ինչպես ես, այնպես էլ թիմի մյուս խաղացողները, ենթարկվում ենք ակումբի գլխավոր մարզիչին»:

                                                       Ընտանիքի մասին

«Ընտանիքն ամենակարևոր բանն է իմ կյանքում: Երջանիկ եմ, որ ունեմ հրաշալի որդիներ և կին, որին շատ եմ սիրում:

Անտոնելան մեծ դեր ունի իմ կյանքում: Նա նաև իմ ընկերն է, որն իմ կողքին է ամենադժվար պահերին»:

Հիշեցնենք, որ ավելի վաղ մամուլում տեղեկություններ էին տարածվել, որ Լիոնել Մեսին ցանկանում է օգտվել «Բարսելոնայի» հետ պայմանագրում առկա այն կետից, որը հնարավորություն է տալիս արգենտինացի հարձակվողին անվճար հեռանալ ակումբից ցանկացած պահի: Նշվում էր, որ 32-ամյա հարձակվողը ցանկանում է տեղափոխվել արգենտինական «Նյուելզ Օլդ-Բոյզ», որտեղ իր առաջին քայլերն է կատարել ֆուտբոլում:

Հետևեք NEWS.am SPORT-ին Facebook-ում և Twitter-ում

Տպել | In English | На русском

2
SHARES
ֆեյսբուք0 մեկնաբանություն

ԱՅՍ ԹԵՄԱՅՈՎ

Մոդրիչը վնասվածք է ստացել
Մոդրիչը բաց կթողնի Իսպանիայի առաջնության չորրորդ տուրի՝ «Լևանտեի» հետ տնային հանդիպումը...
Սուարեսը պատրաստ է խաղադաշտ վերադառնալ
Սուարեսը վնասվածք էր ստացել Լա Լիգայի առաջին տուրի՝ Բիլբաոյի «Աթլետիկի» հետ խաղում...
«Վալենսիայի» գլխավոր մարզիչը հեռացվել է զբաղեցրած պաշտոնից
Գարսիային «Վալենսիայում» կփոխարինի Իսպանիայի Մ21 հավաքականի նախկին գլխավոր մարզիչ Ալբերտ Սելադեսը...
Վալվերդեն որոշում է ընդունել «Բարսելոնայի» առաջիկա խաղին Մեսիի մասնակցության վերաբերյալ
Մեսին վնասվածքի պատճառով բաց է թողել մեկնարկած մրցաշրջանի բոլոր հանդիպումները...
Վալդանո. Զիդանը խնդիրներ ունի կազմի ընտրության հարցում
Խորխե Վալդանոն «Ռեալի» գլխավոր մարզիչի պաշտոնը զբաղեցրել է 1994-1996 թվականներին...
վերջին լուրերը «Ֆուտբոլ` Իսպանիայի առաջնություն» թեմայով
ԼՐԱՀՈՍ
21:48 +04, 12 սեպտեմբերի
Ասպիլիկուետա. Հպարտ եմ, որ կրում եմ «Չելսիի» ավագի թևկապը
21:05 +04, 12 սեպտեմբերի
Ցանկանում եմ կարիերաս ավարտել «Բարսելոնայում». Մեսիի բացառիկ հարցազրույցը Sport-ին
20:44 +04, 12 սեպտեմբերի
Նուրմագոմեդով. Պուարյեն ավելի ուժեղ մրցակից էր, քան Մաքգրեգորը
20:17 +04, 12 սեպտեմբերի
«Բավարիայի» կիսապաշտպանը վիրահատության է ենթարկվել
19:43 +04, 12 սեպտեմբերի
Մոդրիչը վնասվածք է ստացել
19:20 +04, 12 սեպտեմբերի
«Լիվերպուլը» հայտարարել է օգոստոսի լավագույն ֆուտբոլիստին (ֆոտո)
19:01 +04, 12 սեպտեմբերի
Աշխարհի գավաթ. Արոնյանի եւ Մովսեսյանի մրցակիցները երկրորդ շրջանում
18:41 +04, 12 սեպտեմբերի
«Միլանն» ու «Ինտերը» նոր ստադիոն կկառուցեն
18:13 +04, 12 սեպտեմբերի
Արսեն Վենգերն աշխատանքի կանցնի ՖԻՖԱ-ում
17:39 +04, 12 սեպտեմբերի
Ջոկովիչը կարող է վիրահատության ենթարկվել
ՀԱՐՑՈՒՄ
Քվեարկել են (12)
ՖԵՅՍԲՈՒՔ

NEWS.AM SPORT EXCLUSIVE
09:09 +04, 10 սեպտեմբերի
#Corner. Անկրկնելի Հենոն և Հայաստանի հավաքականի փառահեղ հաղթանակը
09:09 +04, 7 սեպտեմբերի
#Corner․ Հայ-իտալական թեժ դիմակայությունը, ֆանտաստիկ Կամոն + անակնկալ մրցույթ
09:09 +04, 5 սեպտեմբերի
Լեգենդար Պաոլո Ռոսին՝ Հայաստանի և Հենրիխ Մխիթարյանի մասին
10:41 +04, 4 սեպտեմբերի
Օգսեն Միրզոյան․ Եթե չլիներ Արսեն Գալոյանը, գուցե, ես օլիմպիական չեմպիոն չդառնայի
ԱՐԽԻՎ
« Սեպտեմբեր, 2019 »
երկ երք չրք հնգ ուրբ շբթ կիր
35 26 27 28 29 30 31 1
36 2 3 4 5 6 7 8
37 9 10 11 12 13 14 15
38 16 17 18 19 20 21 22
39 23 24 25 26 27 28 29
40 30 1 2 3 4 5 6