Զուգընկերուհուն նրա տված քնաբերի պատճառով կինը քնել է արևի տակ, ինչը հարուցել է մաշկի քաղցկեղի զարգացում
Մեծ Բրիտանիայից սրտաբան 55-ամյա Դեւիդ Հիլդիկ-Սմիթին մեղադրում են բժշկական էթիկայի խախտման և իր սիրեցյալի առողջությանը վնաս հասցնելու մեջ: Զուգընկերուհուն նրա տված քնաբերի պատճառով կինը քնել է արևի տակ, ինչը հարուցել է մաշկի քաղցկեղի զարգացում:
Daily Mail-ը հայտնում է, որ Դեւիդի սիրեցյալը 2004 թվականից ընդունում էր դիազեպամ եւ զոպիկլոն քնաբեր միջոցները: Սրտաբանը նրան խորհուրդ է տվել չափաքանակը մեծացնել եւ հավելել է եւս մեկ հզոր ներգործող դեղ՝ զոլպիդեմ: Կնոջ խոսքով՝ նա մի անգամ նշանակել է միանգամից 84 հաբ, չնայած ինքն այդ ժամանակ հակադեպրեսանտներ էր ընդունում:
Երկարատեւ անդրատլանտյան թռիչքից հետո կինն անքնությամբ էր տառապում: Սիրեցյալի խորհրդով նա ընդունել է դիազեպամ եւ լողափում մի քանի ժամ քնել է: Մինչ նա քնած էր, նրա մեջքը կարմրել է եւ ծածկվել բշտիկներով:
Ավելի ուշ նրա մոտ մելանոմա է ախտորոշվել, եւ մաշկաբանն ասել է, որ հիվանդության ամենահավանական պատճառը ուժեղ արեւային այրվածքներն էին:
Հիմա Մանչեսթերի բժշկական տրիբունալը քննում է բժշկի կողմից բժշկական էթիկայի խախտման մասին գործը: Կինը ցուցմունք է տվել, որ բժիշկը պարբերաբար դեղեր է նշանակել մասնավոր կլինիկայի դեղատոմսերի ձեւաթղթերի վրա, որտեղ աշխատել է, չնայած ինքը պաշտոնապես նրա պացիենտը չէր: