Երեխային աղբամանը գցած կինը ձերբակալվել է
Գյումրիում մեկամյա դստերը սպանելու կասկածանքով ձերբակալվել է երեխայի մայրը ։ Այս մասին
Հիշեցնենք, ավելի վաղ Operativ լրատվականը հաղորդել էր, որ օգոստոսի 31-ին ոստիկանության Մուշի բաժնում ահազանգ է ստացվել, որ Գյումրիի քաղաքային աղբանոցում քաղաքացիները հայտնաբերել են երեխայի դի։
Երեկոյան Գյուրիի Շիրակացու փողոցում ոստիկանները հայտնաբերել էին երեխայի մորը եւ բերման ենթարկել ոստիկանության Մուշի բաժին:
Պարզվել է, որ 20-ամյա կինը կապել երեխայի ոտքերն ու ձեռքերը կպչուն ժապավենով, բերանը շոր մտցրել եւ նետել է աղբանոց, ինչի հետեւանքով երեխան մահացել է:
Դեպքի առթիվ հարուցվել է քրեական գործ՝ ՀՀ քրեական օրենսգրքի 104 հոդվածի հատկանիշներով, այն է՝ սպանություն կատարելը:
Հայտնել էինք նաև, որ երեխայի մայրը մոտ 2 շաբաթ առաջ ցանկացել է երեխային մանկատուն հանձնել, սակայն Շիրակի մարզպետարանի ընտանիքի, կանանց եւ երեխաների իրավունքների պաշտպանության բաժնում նրան համոզել են նման քայլի չդիմել՝ առաջարկելով սոցիալական անհրաժեշտ պայմաններ, աշխատանք։