Air Canada ավիաընկերությունը 15 հազար դոլար կվճարի օդանավում ֆրանսերենի անբավարար օգտագործման պատճառով
Ֆրանսիացի ճանապարհորդ զույգը շահել է հայցը, որը ներկայացրել էր Air Canada ավիաընկերության դեմ՝ կապված ցուցանշաններում ֆրանսերենի օգտագործման հետ, փոխանցում է CNN-ն:
Այս շաբաթ դաշնային դատարանը ավիաընկերությանը պարտավորեցրել է ֆրանսիացի Տիբոդյու զույգին վճարել 15 հազար դոլարից ավելի փոխհատուցում, ինչպես նաեւ ներողությամբ նամակ ուղարկել նրանց լեզվաբանական իրավունքների խախտման համար:
Միշել եւ Լինդա Տիբոդյուները մասնավորապես դժգոհել էին, որ նստատեղերի անվտանգության գոտիների վրա «բարձրացնել» (lift) բառը միայն անգլերենով էր:
Ամուսինները նաեւ հայտարարել են, որ «ելք» եւ «նախազգուշացում» բառերն անգլերենով գրված էին խոշոր տառերով, իսկ ֆրանսերենով՝ մանր:
Օտավայից զույգը 22 կետից բաղկացած իր բողոքը դատարան էր ներկայացրել դեռեւս 2016 թվականին:
Հեռուստաալիքը նշում է, որ սա Տիբոդյու զույգի եւ ավիաընկերության դատական վեճի առաջին դեպքը չէ, սակայն անցյալում ավիաընկերությունն ազատվել էր միայն նկատողությամբ եւ ներողություններով: