Մենք կշարունակենք գործել՝ բանակցությունների սեղանին դնելով վարկավորման եւ համատեղ արտադրության մեր պայմանները.Էրդողան
Մոսկվան եւ Անկարան բանակցություններ են վարում ռուսական Սու-57 կործանիչների մատակարարումների շուրջ, հայտարարել է Թուրքիայի նախագահ Ռեջեփ Թայիփ Էրդողանը, փոխանցում է «ՌԻԱ Նովոստի»-ն:
«Բանակցություններ են վարվում, դրանք կշարունակվեն: ՄԱԿՍ-2019-ից հետո Ռուսաստանում են մնացել մեր նախարարությունների ներկայացուցիչները, որոնք այնտեղ աշխատում են: Մենք կշարունակենք գործել՝ բանակցությունների սեղանին դնելով վարկավորման եւ համատեղ արտադրության մեր պայմանները»,- լրագրողներին ասել է Էրդողանը:
Նա հավելել է, որ եթե Վաշինգտոնը Թուրքիայի F-35 կործանիչների մատակարարման իր դիրքորոշումը չփոխի, Անկարան «այդ իրավիճակից ելք կփնտրի»: