Ջենիֆեր Լոպեսի փեսացուն հաճախ է ստրիպտիզ ակումբներ այցելել (տեսանյութ)
Երգչուհի եւ դերասանուհի Ջենիֆեր Լոպեսը շատերի համար շոկային հայտարարություն է արել. նա փեսացուին՝ 44-ամյա Ալեքս Ռոդրիգեսին ստիպել է պատմել ստրիպտիզ ակումբներ այցելությունների մասին։ Խնդիրն այն չէ, որ աստղին հարկավոր է բացահայտել նրան. մանրամասները հարկավոր են եղել նոր ֆիլմի վրա աշխատանքի համար, որում նա գիշերային ակումբի պարուհու է մարմնավորում։
Շուտով վարձույթում կհայտնվի «Մերկապարուհիներ» ֆիլմը, որի հերոսուհիները՝ ստրիպտիզ ակումբի «պրիմա» պարուհիներ, կորցրել են բոլոր միջոցները եւ ցանկանում են դրա համար վրեժ լուծել Ուոլ Սթրիթի ֆինանսագետներից։
Հերոսուհու կերպարը համոզիչ մարմնավորելու համար Լոպեսը ստիպված է եղել խորությամբ ուսումնասիրել ստրիպտիզի ոլորտը։ Այդ հարցում նրան օգնել է նաեւ սիրելին՝ Ալեքս Ռոդրիգեսը, որն, ինչպես պարզվել է, հաճախ է նման վայրեր այցելել։ «Նա ասաց, որ մարզիկները հաճախ են նման վայրեր այցելում եւ քիչ բան չգիտի այդ ամենի մասին։ Ալեքսն ինձ բացատրել է՝ ինչպես է ամեն ինչ կարգավորված»,- E! Red Carpet & Award Shows-ի եթերում հայտնել է Ջենիֆեր Լոպեսը։
Լոպեսն ընկերոջ հետ ստրիպտիզ ակումբներ է գնացել՝ պարուհիների կյանքին ավելի լավ ծանոթանալու համար։ Ֆիլմի նկարահանումներին պատրաստվելը Լոպեսի համար թե հոգեբանական, թե ֆիզիկական առումով բարդ է եղել։ Աստղը ստիպված է եղել եռանդով մարզվել՝ ձողի վրա համոզիչ պարելու համար։
Լոպեսը որոշել է մարմինը կարգի բերել եւս մեկ պատճառով. նա պատրաստվում է ճոխ հարսանիքի։ Նա եւ Ռոդրիգեսը ծրագրում են շքեղ արարողությունը կազմակերպել, որի համար նվազագույնը 15 մլն դոլար անհրաժեշտ կլինի։