Ֆրանսիայի նախագահն արձագաքնել է Բրազիլիայի նախագահի խոսքին` ուղված իր կնոջը
Ֆրանսիայի նախագահն արձագաքնել է Բրազիլիայի նախագահ Ժաիր Բոլսոնարուի խոսքին, որը սոցցանցում ծաղրել է իր կնոջ արտաքինը: Ըստ Մակրոնի՝ նա պետք է ամաչի իր պահվածքի համար:
Ռեպլիկներով փոխանակվելու առիթ է դարձել Facebook-ի օգտատեր Ռոդրիգու Անդրեասի հրապարակումը, հաղորդում է ՌԲԿ-ն:
Մակրոնի եւ Բոլսոնարուի միջեւ Ամազոնի անտառներում հրդեհների հետ կապված իրավիճակի վեճի ֆոնին նա երկու լուսանկար է հրապարակել: Մեկում պատկերված է Բոլսոնարուն 37-ամյա կնոջ հետ երդմնակալության օրը, մյուսում Մակրոնը՝ 66-ամյա Բրիժիտի հետ:
«Հիմա հասկանում եք, թե ինչու է Մակրոնը հետապնդում Բոլսոնարուին», — լուսանկարներին կից գրել է Անդրեասը:
Հրապարակմանն առաջիններից արձագանքել է Բոլսոնարուն գրելով՝ «Մի ստորացրու մարդուն: Լոլ»:
Մակրոնը մեկնաբանելով երկխոսությունը գրել է, որ «այս ամենը շատ ցավալի է», հաղորդում է BFM TV-ն:
«Կարծում եմ, բրազիլացի կանանց համար ամոթալի կլիներ կարդալ իրենց նախագահի գրածը: Կարծում եմ, որ Բրազիլիայի մեծ ժողովրդի ներկայացուցիչներն ամաչում են նման պահվածքի համար: Քանի որ ես շատ եմ հարգում բրազիլացիներին, ես մեծ հույս ունեմ, որ նրանք կունենան նախագահ, որն իրեն նորմալ է դրսեւորում», — հավելել է նախագահը:
Վեճին միացել է նաեւ Բրազիլիայի կրության նախարար Աբրհամա Վեյնտրաուբը, որը նույնպես որոշել է իր կարծիքն արտահայտել Մակրոնի մասին Twitter-ում:
«Ֆրանսիան ծայրահեղությունների երկիր է: Այն մի կողմից Դեկարտի եւ Պաստերի հայրենիքն է, իսկ մյուս կողմից «Շարլեման» դիվիզիայի մասնակիցների: Բայց Մակրոնը հեռու է բոլոր նրանցից: Նա պարզապես օպորթունիստական տականք է, որը ֆրանսիական գյուղատնտեսական լոբբիից աջակցություն է սպասում», — գրել է նա:
Բիարիցում G7-ի գագաթնաժողվից առաջ Մակրոնը գագաթնաժողովի մասնակիցներին առաջարկել է քննարկել Բրազիլիայում իրավիճակը, որտեղ Ամազոն գետի հովտում անտառներ են այրվում:
Ֆրանսիայի նախագահի խոսքով ՝ իրավիճակը, երբ հրդեհի հետեւանքով ոչնչացվել է 2 միլիոն հա անտառ, լուրջ միջազգային ճգնաժամ է:
Բոլսոնարուն վիրավորվել է այն փաստից, որ Մակրոնը, ներկայացնելով նման առաջարկ, չի խորհրդակցել Բրազիլիայի ղեկավարության հետ եւ նրան չի հրավիրել Բիարից:
«Մակրոնը որոշել է օգտագործել մեր ներքին խնդիրը անձնական քաղաքական նպատակներով: Սենսացիոն տոնը, որով նա հաղորդել էր Ամազոնում առկա խնդիրների մասին (ներառյալ կեղծ լուսանկարներ տեղադրելը) թույլ չի տա լուծել այս իրավիճակը», - Twitter-ում գրել է նա:
Հետագա գրառումներում Բոլսոնարուն Մակրոնին մեղադրել է «Բրազիլիայի նկատմամբ ատելություն բորբոքելու մեջ»՝ ելնելով սեփական սնապարծությունից: Նախագահի խոսքով ՝ այլ երկրները (Իսրայել, ԱՄՆ, Իսպանիա, Չիլի, Էկվադոր) ոչ միայն ցավակցում են իր երկրին, որը դարձել է տեղեկատվական արշավի զոհ, այլ նաև առաջարկում է աջակցության կոնկրետ միջոցներ: