Շերի խորեոգրաֆը պատասխանել է ամերիկացի հեռուստահաղորդավարուհուն, որը ծաղրել է Քեյթ Միդլթոնի որդուն
Լարա Սփենսերը՝ Good Morning America առավոտյան ծրագրի վարողը, ծիծաղել է արքայազն Ջորջի դպրոցական դասացուցակի վրա։ Նրա խոսքով՝ ինչպես շատ այլ երեխաներ, նա վերադառնում է պարապմունքներին, սակայն բացի սովորական առարկաներից, ինչպիսիք են մաթեմատիկան, բնական գիտություններ ու պատմությունը, նա ուսումնասիրելու է կրոն, ծրագրավորում եւ բալետ։ Հեռուստահաղորդավարուհին չի կարողացել զսպել ծիծաղը, երբ այդ մասին հայտնել է եթերում, գրում է Mirror-ը։
Այդ արարքը զայրացրել է խորեոգրաֆ Բրայան Ֆրիդմանին։ Վերջինս աշխատել է այնպիսի աստղերի հետ, ինչպիսիք են Շերն ու Բրիթնի Սփիրսը։ Նա տհաճորեն զարմացել է, որ 50-ամյա կինը ամերիկյան ազգային հեռուստատեսությամբ այդպիսի անվայել վարմունք է դրսեւորել։
Նայեք Անգլիայի ապագա թագավորի այս գեղեցիկ դեմքին։ Այս հիասքանչ տղային ամերիկյան ազգային հեռուստատեսությամբ ամաչեցնում է մեծ կինն այն պատճառով, որ նա բալետով է զբաղվում։ Դուք պետք է ամաչեք, քանի որ ձեր պատճառով տղաները կսկեն հրաժարվել պարով զբաղվել»,- զայրացել է նա։
Արքայազն Ջորջը հաճախում է բրիտանական Thomas's Battersea հաստատություն։ Առաջին տարին նա չափավոր ինտենսիվ գրաֆիկ է ունեցել, իսկ երկրորդ տարին խոստանում է բավական հագեցած լինել։ Դպրոցի կայքում արդեն իսկ հրապարակվել է դասացուցակը, որը հագեցած է այնպիսի առարկաներով, ինչպիսիք են մաթեմատիկան, պատմությունը, կրոնը, անգլերեն լեզուն, աշխարհագրությունը եւ այլն։
Քեմբրիջի դուքսերի առաջնեկին նաեւ բալետի եւ դերասանական վարպետության դասեր են սպասվում։ Երեխաներին կսովորեցնեն անվանի մանկավարժները։
Արդյունքում Լարան ստիպված է եղել ներողություն խնդրել իր արարքի համար։ «Ես հավատում եմ, որ բոլորս պետք է գնանք նրա ետեւից, ինչ սիրում ենք։ Բալետ կամ մեկ այլ բան. պարզապես հետամուտ եղեք ձեր երազանքներին»,- կոչ է արել նա։