Կանադայում միայնակ հորը մեղադրել են խտրականության մեջ դայակի թեկնածուի տարիքի և սեռի մասին հարցի պատճառով

Կանադայից Թոդ անունով միայնակ հորը մեղադրել են սեռատարիքային հատկանիշներով խտրականության մեջ, երբ երեխաների դայակի թեկնածուներից մեկի հետ նամակագրության ընթացքում տղամարդը հարցրել էր նրա սեռն ու տարիքը, հաղորդում է Fox News-ը:

Տղամարդը, որը միայնակ խնամում է իր 5 եւ 8 տարեկան որդիներին, Kijiji կայքում տեղադրել էր հայտարարություն, որում գրել էր, որ դայակ է փնտրում իր երեխաների համար:

Արդյունքում Թոդը ստացել էր բազմաթիվ պատասխաններ, որոնցում թեկնածուները պատմում էին իրենց բժշկական պատրաստվածության, օրենքի հետ խնդիրներ չունենալու, ինչպես նաեւ երեխաներին խնամելու փարձի մասին:

Երբ Թոդը հարցրել էր նրանցից մեկի սեռն ու տարիքը, դիմորդը պատասխանել էր, որ նրա անունն է Ջեյմս Քրինովսկի եւ նա 28 տարեկան է:

Ավելի ուշ Թոդի ծրագրերը փոխվել էին, եւ նա այլեւս չուներ դայակի կարիք, սակայն Ջեյմս անունով դիմորդը ոչինչ չէր մոտացել եւ մեղադրել էր Թոդին սեռատարիքային հատկանիշով խտրականության մեջ:

Դատարանն ընդունել էր հայցը՝ չնայած փաստին, որ նախկինում Քրինովսկին արդեն պարտվել էր նմանատիպ դատական գործում, երբ համանման մեղադրանք էր ներկայացրել 5-ամյա տղայի մորը, որը հայտարարության մեջ գրել էր, որ փնտրում է տարեց կնոջ իր որդու դայակը դառնալու համար: