Ես մարտի 1-ից առաջ Բաղրամյան 26-ում գործող գաղտնի շտաբի անդամ չեմ եղել. Գրիշա Սարգսյան (տեսանյութ)
«2008 թվականի մարտի 1-ի իրադարձություններից հետո Բաղրամյան 26-ում գործող գաղտնի շտաբից բացի ևս մեկ գաղտնի շտաբ էլ եղել է ՀՀ գլխավոր դատախազությունում: Հիշեցնենք, որ ըստ փաստահավաք խմբի մարտի 1-ի իրադարձություններից առաջ Բաղրամյան 26-ում գաղտնի շտաբ է գործել, որում ընդգրկված են եղել Ռոբերտ Քոչարյանը, Սերժ Սարգսյանը , Հովիկ Աբրահամյանը, Աղվան Հովսեփյանը , Արմեն Գևորգյանը, Գրիշա Սարկիսյանը…»,-այս մասին տեսանյութ-հրապարակում է ներկայացում անհայտ ծագմամբ լրատվամիջոցներից մեկի յութուբյան ալիքը:
Arlur.am-ը մեկնաբանության համար դիմեց Հայաստանի միջազգային ոստիկանական ասոցիացիայի նախագահ, գնդապետ Գրիշա Սարգսյանին, ում նկարը համապատասխանաբար տեղադրված է հրապարակման մեջ:
Գրիշա Սարգսյանը արձագանքեց.«Դա անակնկալ էր ինձ համար, որովհետև ընկերներիցս եմ տեղեկացել, որ գաղտնի շտաբի անդամ եմ եղել, կամ նման բաներ: Մինչ օրս ինձ մարտի 1-ով ոչ մի իրավապահ մարմին բացատրության համար չի հրավիել համապատասխան բաժին»:
Գրիշա Սարգսյանը իր բարի համաբավը վերականգնելու համար պահանջում է պատասխանատվության ենթարկել կեղծ լուրեր տարածողին:
«Դիմել եմ վարչապետին, դիմել եմ ՀՀ գլխավոր դատախազին, դիմել եմ ՀՀ ԱԱԾ պետին և ՀՀ ոստիկանապետին և ՀՔԾ պետին, որ օրենքի խստությամբ պատժեն զրպարտողին»,-մանրամասնե Գրիշա Սարգսյանը:
Մանրամասները` տեսանյութում: