Արմավիրի մարզում 26-ամյա վարորդը ավազով բարձված КамАЗ-ով կողաշրջվել է (լուսանկարներ)
![](http://operativ.am/disc/17-08-19/1490ed981ffff28a39f7cca8b837256e.jpg)
![](http://operativ.am/disc/17-08-19/3379726d131568f1007184b53173eb07.jpg)
![](http://operativ.am/disc/17-08-19/39d3729590b31b1c9d236440f7b45ca1.jpg)
Արմավիրի մարզում, այսօր՝ օգոստոսի 17-ին, խոշոր ավտովթար է տեղի ունեցել. ժամը 14։50-ի սահմաններում 26-ամյա Աշոտ Սամսոնյանը իր վարած КамАЗ 55111 մակնիշի 60 VP 100 համարանիշի ավտոմեքենայով Էջմիածին-Աշտարակ ավտոճանապարհի 4-րդ կմ հատվածում դեռեւս անհայտ պայմաններում դուրս է եկել ճանապարհի երթեւեկոլի գոտուց եւ կողաշրջվել։
Shamshyan.com-ի հաղորդմամբ, օպերատիվորեն դեպքի վայր ժամանած Վաղարշապատի բժշկական կենտրոնի բուժանձնակազմը տեղում օգնություն է ցուցեբերել վարորդին եւ ուղեւորին, որոնք հրաժարվել են հիվանդանոց մեկնելուց՝ ասելով, որ իրենց լավ են զգում։
Դեպքի վայրում վարորդը ճանապարհային ոստիկաններին եւ հետաքննիչին ասել է, որ կանաչ գույնի Ժիգուլին վթարային իրավիճակ է ստեղծել իր համար, ինչն էլ դարձել է վթարի պատճառ։