«Ռուսթավի-2»-ի տնօրենը հայտարարել է, որ ոչ ոք ընկերությունը ձեռք բերելու ցանկություն չի հայտնել

«Ռուսթավի-2» վրացական հեռուստաընկերությունը ձեռք բերելու ցանկություն ոչ ոք չի հայտնել: Այդ մասին հայտարարել Է հեռուստաալիքի գլխավոր տնօրեն Պաատա Սալիան:

Հիշեցնենք, հեռուստաալիքի նոր սեփականատեր Կիբար Խալվաշին վաճառքի Էր հանել այն խոշոր պարտքերի պատճառով:

Մարդու իրավունքների եվրոպական դատարանն ավելի վաղ ուժի մեջ Է թողել ընդդիմադիր հեռուստաընկերությունը նրա նախկին սեփականատիրոջը՝ Խալվաշիին, հանձնելու և նրա «Պանորամա» ընկերության մասին Վրաստանի Գերագույն դատարանի որոշումը:

Հայտնի Է, որ Խալվաշին պաշտպանում Է իշխանություններին: Օգոստոսի 12-ին Խալվաշին ասել Է, թե պարզվել Է, որ հեռուստաընկերությունն ավելի քան 24 մլն դոլարի չափով պարտքեր ունի, դրա համար Էլ ինքն այն վաճառում Է: Դրա հետ մեկտեղ նա պատրաստ Է հեռուստաընկերությունը վաճառել բոլորին, բացի Վրաստանի նախկին նախագահ Միխայիլ Սահակաշվիլիից:

«Առայժմ ոչ ոք ցանկություն չի հայտնել: Բոլորին հայտնի Է, որ պայմանն այն Է, որ մրցույթը պետք Է բաց լինի:

Օգոստոսի 19-ին լրանում Է մեկշաբաթյա ժամկետը, հետևաբար մենք հետագա որոշումներ կընդունենք»,- հայտարարել Է Սալիան լրագրողներին: Նրա խոսքով՝ հազիվ թե Խալվաշին մրցույթի ժամկետը երկարացնելու որոշում ընդունի: Նա հավելել Է, որ հաջորդ սեզոնին նախապատրաստվելու աշխատանքները պետք Է սկսվեն կարճ ժամկետում: Սալիան չի բացառում, որ եթե ցանկացողներ չհայտնվեն, Խալվաշին կսկսի ֆինանսական ռեսուրսներ փնտրել իր ուժերով: