ՊՍԺ-ն վաճառքից հանել է Նեյմարի համազգեստը
Ֆրանսիայի չեմպիոն ՊՍԺ-ի հարձակվող Նեյմարի տեղափոխությունը «Բարսելոնա» ժամ առ ժամ ավելի իրական է թվում:
UOL Esporte-ի հաղորդմամբ՝ ՊՍԺ-ն ակումբի պաշտոնական խանութներում վաճառքից հանել է Նեյմարի հետ կապված բոլոր իրերը՝ համազգեստ, անվանական ժամացույցներ, հեռախոսի պատյաններ և այլն:
Ավելի վաղ հաղորդել էինք, որ «Բարսելոնայի» առաջատար Լիոնել Մեսին միջամտել է Նեյմարի տեղափոխության շուրջ ընթացող բանակցություններին: Արգենտինացի ֆուտբոլիստը զանգահարել է Նեյմարին և հորդորել նրան չբանակցել «Ռեալի» հետ: