Արագածոտնի մարզում 70-ամյա վարորդը Mitsubishi-ով բախվել է երկաթե արգելապատնեշներին և հայտնվել ձորում. վարորդը հիվանդանոցի ճանապարհին մահացել է
Այսօր՝ օգոստոսի 10-ին, ողբերգական ավտովթար է տեղի ունեցել Արագածոտնի մարզում: Shamshyan.com-ը հայտնում է, որ ժամը 18:30-ի սահմաններում, Երեւան քաղաքի Էրեբունի վարչական շրջանի բնակիչ, 70-ամյա Մկրտիչ Ղուկասյանն իր վարած Mitsubishi մակնիշի ավտոմեքենայով Երեւան-Գյումրի ավտոճանապարհի 68 կիլոմետրի հատվածում դեպի Գյումրի ընթանալիս դուրս է եկել ճանապարհի երթեւեկելի գոտուց, բախվել երկաթբետոնե արգելապատնեշներին եւ հայտնվել ձորում:
Վարորդ Մ. Ղուկասյանը մարմնական վնասվածքներով Թալինի բժշկական կենտրոն տեղափոխվելու ճանապարհին մահացել է:
Դեպքի վայր են ժամանել Ճանապարհային ոստիկանության ծառայողները եւ Հայաստանի քննչական կոմիտեի Արագածոտնի մարզային քննչական վարչության ավագ քննիչը:
Քննիչի հանձնարարականով ավտոմեքենան տեղափոխվում է ոստիկանության Թալինի բաժնի պահպանվող հատուկ տարածք: