Փաշինյանի հայտարարությունները և միացման կոչերը վտանգավոր են անվտանգության տեսանկյունից. «Ազգային օրակարգ»
Հայաստանի վարչապետ Նիկոլ Փաշինյանի հայտարարությունները վտանգավոր են անվտանգության տեսանկյունից: Օգոստոսի 9-ին լրագրողների հետ հանդիպման ժամանակ այս մասին ասաց «Ազգային օրակարգ» կուսակցության համահիմնադիր Արա Գասպարյանը:
Նրա խոսքով՝ հեղափոխության արտահանման մասին հայտարարությունները, որոնք արվել են սահմանից 20-30 կմ հեռավորությամբ, ինչպես նաև սկզբունքորեն սահմանամերձ գոտում հեղափոխական գործընթացները մեր անվտանգությանը անմիջական սպառնալիք են ներկայացնում:
Մեկնաբանելով առաջիկա 30 տարում զարգացմանն առնչվող վարչապետի թեզերը՝ Գասպարյանը տարակուսանք հայտնեց հայկական ԶՈՒ-ն աշխարհում լավագույն քսանյակում ներառելու մտադրության վերաբերյալ: Քաղաքական գործիչը հիշեցրեց, որ նման հաշվարկները հիմնված են մեխանիկական հաշվարկի վրա, հաշվի է առնվում բնակչության թիվը, ռեզերվը, զինակոչիկների թիվը: «Արդյոք մենք մեխանիկակա՞ն հաշվարկի խնդիր ենք դնում, թե՞ անտանգության իրական մեծացման: Այստեղ կարեւոր են ճիշտ շեշտադրումները, եւ ինչ ենք մենք բանակից սպասում: Հետախուզության եւ աշխարհում լավագույն տասնյակի մեջ մտցնելու վերաբերյալ: Ո՞վ է այս ուղղությամբ չափումներ կատարել: Այս ի՞նչ չափանիշներ են: Գուցե ըստ լրտեսական ցանցի ծավալի՞: Եվ հետո այն հրապարակել լրատվամիջոցներո՞ւմ: Չեմ կարծում, որ սրանք անվտանգության համակարգի զարգացման ճիշտ ուղղություններ են»,- նշեց Գասպարյանը:
Նա կտրականապես համաձայն չէ բոլոր պետական հաստատություններին ուղղված քննադատությանը: «Հիբրիդային պատերազմի վիճակում գտնվող երկրում վարչապետը հայտարարում է ինստիտուցիոնալ ճգնաժամի մասին: Իսկ հակառակորդը դա լսում է»,- թեւերը տարածեց Գասպարյանը: Ընդ որում՝ նա հիշեցրեց,որ Փաշինյանն արդեն 1,5 տարի իշխանության է: «Ինչո՞ւ դուք ախտորոշում չկատարեցիք սկզբում եւ ի՞նչ ծրագրեր եք իրականացրել ձեր իսկ նշած իրավիճակից դուրս գալու համար»,- հետաքրքրվեց նա եւ ինքն էլ պատասխանեց՝ հարցը վարչապետի թիմի կադրերն են՝ քաղաքապետի գլխավորությամբ: Նրա խոսքով՝ ինստիտուցիոնալ տապալում դեռեւս չկա: Բայց եթե շարունակեն եւ առաջին հերթին հարձակումները գործող կառույցների վրա, կլինի: Գասպարյանը հավելեց, որ դրա հետ մեկտեղ դատական համակարգն իրենց ձեռքը վերցնելու փորձերն են ձեռնարկվում՝ ի հավելումն գործադիրի եւ օրենսդիրի: «Կարեւոր է քաղաքական մենաշնորհ թույլ չտալ»,- զգուշացրեց Գասպարյանը՝ նշելով, որ նկատելի է արտաքին հիմնադրամների ֆինանսավորմամբ ուժերի դերը: