Պարոն Առաքելյանի հրաժարականը վկայում է մի բանի մասին, որ նա բոլոր ժամանակների լավագույն ռեկտորն է. Նարեկ Մարտոյան
Նարեկ Մարտոյանն իր Facebook-ի էջում գրել է.
«Պարոն Առաքելյանի հրաժարականը վկայում է մի բանի մասին, որ նա բոլոր ժամանակների լավագույն ռեկտորն է։
Դժվար է պատկերացնել Ֆիզիկական կուլտուրայի և սպորտի հայկական պետական ինստիտուտը առանց պարոն Առաքելյանի։ Մեծատառով մարդ, ում մասին, շռայլություն չի լինի ասել, սիրում ու սիրահաված է եղել ամբողջ ուսանողությունը։ Անկեղծ ասած, չեմ պատկերացնում ինստիտուտի տրամադրությունը և ինչու ոչ նաև ուսանողների սպորտային ոգին առանց սիրելի պարոն Առաքելյանի։
Ճիշտ է ասված, որ ժամանակը չի խնայում նույնիսկ լավագույններին։ Մեծատառով մարդ, ով ուսանողների համար եղել է ավագ ընկեր, հարազատ ու բարեկամ։ Ռեկտոր, ում աշխատասենյակի դռները միշտ բաց են եղել բոլորի առաջ, ում կարող էիր տեսնել այգիում զբոսնելիս, ուսանողների հետ ընկերական զրուցելիս` իր պատմություններով ու խորհուրդներով հարստացնելով ուսնեղական մեր բոլորիս կյանքը։ Հիշում եմ` ինչպես էր ուրախանում ու ցնծում սպորտաշխարհում, գիտության բնագավառում մեր մարզիկների և ուսանողների ցանկացած հաջողությունով, կարծես դա իր սեփական ձեռքբերումն էր։ Որքան նվիրված էր ինստիտուտին և ուսանողական կյանքին։ Մարդ, ում համար ամենակարևորը մարդկային արժանապատվությունն ու անկեղծությունն է, իսկ տղամարդկանց մոտ տղամարդկային հատկանիշները, իսկ այս նոր ժամանակները, կարծում եմ, մեր սիրելի պարոն Առաքելյանի համար չեն։
Նոր ժամանակներում պարոն Առաքելյանի նման մարդիկ շռայլություն են Հայաստանի համար։ Սիրելի` պարոն Առաքելյան, սրտանց ցանկանում եմ ձեզ առողջություն և երկար տարիների անհոգ կյանք, ձեր արած գործը անմահ է ու անգնահատելի, քանի-քանի սերունդներ եք դիմավորել ու ավելի ուժեղ դարձած ճանապարհել, բոլոր բոլորի համար, անկեղծ, դուք լավագույնն եք։
Սիրում ենք ձեզ շատ բոլորս և դուք միշտ ինձ համար կլինեք Ֆիզիկական կուլտուրայի և սպորտի հայկական պետական ինստիտուտի անփոխարինելի ռեկտորը»։