Ծաղրածուի կոստյումով տղամարդը կռուիզային նավի վրա զանգվածային ծեծկռտուք է սադրել
Ծաղրածուի կոստյումով տղամարդը P&O’s Britannia կռուիզային նավի վրա զանգվածային ծեծկռտուք է սադրել, երբ այն հասել է Նորվեգիայի ծովախորշ, գրում է The Guardian-ը:
Ականատեսները պատմում են, որ ծեծկռտուքի ժամանակ կահույք եւ սպասք են նետել միմյանց վրա:
Քաոսի պատճառ է դարձել «հայրենասիրական» երեկույթը, որի ժամանակ մեծ քանակությամբ ալկոհոլ են օգտագործել:
Նավում է եղել նաեւ «Բարի լույս, Բրիտանիա» հաղորդման հաղորդավար Ռիչարդ Գեյսֆորդը, որը պատմել է, որ վիճաբանությունը սկսվել է ծաղրածուի կոստյումով տղամարդու հայտնվելուց հետո: Նրա հայտնվելը վրդովմունք է առաջացրել մի քանի ուղեւորի մոտ, որոնք նշել են, որ նավում կոստյումներով միջոցառում նախատեսված չէ:
Նա պատմել է, որ երբ մտել է նավի խոհանոց, շուրջբոլորն արյուն է եղել:
Դեպի հետեւանքով 6 մարդ է տուժել: