Ղրղզստանի և Տաջիկստանի սահմանի հակամարտության գոտում ճանապարհները բացվել են
Ղրղզստանի և Տաջիկստանի սահմանի հակամարտության գոտում ավելի վաղ տեղացիների կողմից փակված ճանապարհները բացվել են:
Հինգշաբթի այս մասին հայտնել է Ղրղզստանի պետական սահմանապահ ծառայությունը:
«2019 թվականի հուլիսի 25-ին վերականգնվել է երթևեկությունը Բատկեն-Իսֆանա(Ղրղզստան) և Իսֆարա-Վորուխ(Տաջիկստան) ավտոճանապարհներով», - ասվում է հաղորդագրությունում:
Ղրղզստանի պետական սահմանապահ ծառայության համաձայն՝ դիմակայության շրջանում իրավիճակը ներկայումս հարաբերականորեն կայուն է:
Այնուամենայնիվ, այնտեղ տեղակայված երկու երկրների սահմանապահ ստորաբաժանումները «շարունակում են ծառայել ուժեղացված ռեժիմով»:
«Ղրղզստանի և Տաջիկստանի սահմանապահ ջոկատները պետական սահմանի հատվածում համատեղ պարեկություն են իրականացնում:
Տեղական իշխանությունների ներկայացուցիչների հետ միասին նրանք շարունակում են բացատրական աշխատանքներ իրականացնել սահմանամերձ բնակավայրերի բնակչության շրջանում` հակամարտությունը էսկալացիան կանխելու և իրավիճակը կարգավորելու համար», - նշում է ՊՍԾ-ն:
Ղրղզստանի և Տաջիկստանի բնակիչների միջև Ղրղզստանի Աքսայ գյուղի և տաջիկյան Վորուխ անկլավի շրջանում բնակիչների միջև բախումները տեղի էին ունեցել հուլիսի 22-ի երեկոյան և շարունակվել է գրեթե ողջ օրվա ընթացքում:
Ղրղզստանը քաղաքացիների անվտանգության նպատակով ստիպված էր Աքսայից Բաթկեն մարզային կենտրոն տեղափոխել ավելի քան 600 մարդու, հիմնականում կանանց, երեխաների և ծերերի։ Ինչպես նախատեսվում է, առաջիկա օրերին պետք է տեղի ունենա Ղրղզստանի և Տաջիկստանի նախագահների հանդիպումը, որի ընթացքում կքննարկվի իրավիճակը սահմանի ընդհանուր տեղամասում։
Ղրղզստանի և Տաջիկստանի միջև սահմանի երկարությունը կազմում է մոտ 970 կիլոմետր։ Խորհրդային Միության փլուզումից հետո դրա երկայնքով գոյացել են մոտ 70 վիճելի տեղամասեր, որոնք պարբերաբար դարձել են կոնֆլիկտների առաջացման պատճառ տեղի բնակիչների և երկու հանրապետությունների զինծառայողների միջև, այդ թվում հրազենի օգտագործմամբ։ Մոտ երեք տարի առաջ Բիշքեկը և Դուշանբեն պայմանավորվել են ակտիվացնել սահմանի ընդհանուր տեղամասի սահմանազատումն ու սահմանագծումը։ Ներկա պահին հաջողվել է պայմանավորվել սահմանի մոտ 600 կիլոմետրի անցկացման շուրջ։